Emhin Nin Mhan Miẹn Luẹ bhi Ebe Nọnsi Jonah

Bhi ẹkẹ iBaibo, uwẹ dẹ miẹn okha ọsi ikpea bi ikhuo ne ga Osẹnobulua nọnsẹn. Jehova guanọ nin mhan luẹ emhin bhi ene okha nan. Ọlezẹle nin ọle da ji ene okha nan ha ribhi ebe nọnsọle. (Ro 15:⁠4) Be bhọ uwẹ luẹ bhi ebe nọnsi Jonah? Ghe ọne ividio natiọle Oga Azagba-uwa: Jonah—Emhin Nin Mhan Miẹn Luẹ bhi Itohan Nin Jehova Mhọn Da Ẹbho. Bha ha ki ghe ọne ividio fo, re ewanniẹn ọbhi ene inọnta nan:

• Ọnọghọ bela ene ibhio mhan ea ne ribhi ọne ividio miẹn?

• Be bhọ ebe nọnsi Jonah ha rẹ sabọ ko mhan udu re yẹ sade a dia mhan bhi uwedẹ, la a re mhan sotọ bhi ihe nin mhan rẹ ha ye bhi agbotu ranmhude emhin nọn bha gba nin mhan lu? (1Sa 16:7; Jon 3:1, 2)

• Be bhọ okha nọnsi Jonah ha rẹ rẹkpa mhan rẹ ha re ẹlo esili ghe ẹbho ne ribhi eji mhan da tẹmhọn Osẹnobulua yẹ? (Jon 4:11; Mt 5:7)

• Ikoudure bela mhan ha sabọ miẹn bhi okha nọnsi Jonah sade mhan mhọn emianmhẹn bhi egbe nọn bha ka fo? (Jon 2:1, 2, 7, 9)

• Be bhọ ọne ividio nan man uwẹ le rẹji ebezẹle nọn da khẹke nin mhan ha tie iBaibo yẹ ria eria nyan ebi mhan tie bhọ?