Be Bhọ Ahoẹmhọn-egbe ọsi Ẹmhọanta?

Jehova mhanmhan ibọdọ bi irekhuo. Ọle bha mhanmhanlẹn nin okhuo bi ọdọ ze egbe obọ. (Ge 2:22-24) Igboghẹ ọkpa hi emhin nọn ha zẹ nin okhuo bi ọdọ ha da sabọ sọ ebe a. (Mal 2:16; Mt 19:⁠9) Ranmhude Jehova guanọ nin okhuo bi ọdọ ha ghọnghọn bhi ibọdọ bi ireokhuo nọnsele, ọlezẹle nin ọle da re adia mhan nọn ha rẹkpa mhan rẹ zẹ nọnsẹn sade mhan họ nin mhan re okhuo la bọdọ. Ọle yẹ re adia mhan nọn ha rẹkpa mhan rẹ ha mhọn eghọnghọn bhi ẹkẹ azagba-uwa.—Ec 5:4-6.

GHE ỌNE IVIDIO NATIỌLE BE BHỌ AHOẸMHỌN-EGBE ỌSI ẸMHỌANTA? (WHAT IS TRUE LOVE?) BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• 

  Bezẹle nin ibhude nin Frank bi Bonnie re nin ọmọn nọnsele natiọle Liz da ha yi ibhude nọn gbale?

• Bezẹle nọn ida yi emhin ẹwanlẹn nin ọria rẹ ha riale ghe ọle dẹ sabọ fi okpea nin ọle ho nọn bọ la okhuo nin ọle ho nọn re denọ?

• Ibhude nọn gbale nela obhio mhan nin Paul bi Priscilla nin okhuo ọle re nin Liz?

• 

  Bezẹle nin Zach bi Megan da ha mhọn ọnọghọ bhi ibọdọ bi irekhuo nọnsele?

• 

  Iwẹnna oga nela iJohn bi Liz ko ha khu ọi?

• Bezẹle nọn da khẹke nin uwẹ gene lẹn unan ọria nin oria nin uwẹ ho nin uwẹ bọ khin, ọkuẹsẹ bha bọ egbe? (1Pe 3:⁠4)

• Be bhọ ahoẹmhọn-egbe ọsi ẹmhọanta? (1Co 13:4-8)