A tẹmhọn Osẹnobulua bhi egbegbe iMonrovia bhi Liberia

Ebi Uwẹ Ha Sabọ Ta

●○○ AHA MIẸN ỌRIA ỌSỌHẸNHẸN

Inọnta: Baibo dẹ sabọ yẹ rẹkpa mhan ẹlẹnan?

Eji uwẹ ha tie bhi Baibo: 2Ti 3:16

Sade uwẹ kie vae: Be bhọ uhọnmhunje nọn ribhi ẹkẹ iBaibo?

○●○ AFIKIE YO ỌSỌHẸNHẸN

Inọnta: Be bhọ uhọnmhunje nọn ribhi ẹkẹ iBaibo?

Eji uwẹ ha tie bhi Baibo: Mt 6:10

Sade uwẹ kie vae: Be bhọ Agbejele nọnsi Osẹnobulua da lu?

○○● AFIKIE YO ỌSI UGBAZEVA

Inọnta: Be bhọ Agbejele nọnsi Osẹnobulua da lu?

Eji uwẹ ha tie bhi Baibo: Da 2:44

Sade uwẹ kie vae: Be ọne Agbejele da re ọne otọ nan kiẹn?

Re nanbhi ọne uki nan rẹ ha khian, obọ natiọle “Ebi Uwe Ha Sabọ Ta” iyẹ da ha mhọn agba uwedẹ ea nin mhan ha sabọ rẹ tẹmhọn Osẹnobulua. Inọnta nin uwẹ ha rẹ nin ọria zilo, Baibo nin uwẹ ha tie bi inọnta nin bha ha zilo nyan sade uwẹ kie vae, ele ki da ha ribhọ. Bhi ene ividio ọsi “Ebi Uwe Ha Sabọ Ta” ne ribhọ bhi ọne uki, ọkpa-ọkpa a da ha rẹman bhi uzana. Ọdeọde ki da ha tọbọle zẹ ọkpa bhi ebe nin mhan rẹ man ẹbho iBaibo nin ọle ha noo rẹ man ọria emhin. Ọle la yẹ tọbọle zẹ sade ọle dẹ re ọne ebe nin ọria zilo bhi ẹghe ọhẹnhẹn nin ọle miẹn ọne ọria la bhi afikie yo. Ebi uwẹ ha ta sade uwẹ fikie yo ọsọhẹnhẹn bi ọsi ugbazeva yẹ ribhọ. Ọne uwedẹ nan ki rẹ mhanmhanlẹn nan dẹ rẹkpa mhan rẹ guanọ “ọrebhe ne muegbe nin ele rẹ nyẹnlẹn bhi uwedẹ nin ele ha da miẹn aribhọ ọsi ighegheghe.”—Ac 13:48.

Arẹman: Uwedẹ nan rẹ mhanmhanlẹn bhi obọ ọsi “Ebi Uwe Ha Sabọ Ta,” ọle ene lu arẹman da rẹkhan. Ahamiẹn ọiyi iriọ, a dẹ taman ele ebi ele da rẹ lu ọle yẹ.