Jesu Hoẹmhọn Ẹbho

Matthew uhọnmhọnlẹn 8 bi 9 da tẹmhọn iwẹnna itẹmhọn Osẹnobulua nin Jesu lu bhi otọ iGalilee. Ẹghe nin Jesu rẹ hinmhin ene khọnmhọn, ọ da rẹman ghe ọle gene mhọn ahu. Ọkpakinọn ọiyi ahu nọnsọle hi emhin nọn kokhun nẹ nin Jesu rẹman. Emhin nin ọle lu rẹman ghe ọle gene mhọn ahoẹmhọn-egbe bi itohan da ẹbho.

1. 

   Jesu da hinmhin ọria nọn khọnmhọn emianmhẹn egbekẹn.—Mt 8:1-3

2. Jesu da hinmhin odibo ọsi ọyokhọnlẹn.—Mt 8:5-13

   Ọle da hinmhin inẹn okhuo iPeter.—Mt 8:14, 15

   Ọle da khu ẹlinmhin ne imhẹn si ẹbho bhi egbe re, yẹ hinmhin ẹbho ne ha loya.—Mt 8:16, 17

3. Jesu da khu ẹlinmhin ne imhẹn sibhi egbe ikpea eva re. Ọ da je ene ẹlinmhin ebe nanbhi egbe ọsi usun une.—Mt 8:28-32

4. Jesu da hinmhin akhun.—Mt 9:1-8

   Ọle da hinmhin okhuo nọn khọnmhọn nọn re obọ so ọle ukpọn. Ọle da yẹ riọ ọmọn nọnsi Jarius kpanọ bhi uu.—Mt 9:18-26

   Ọle da hinmhin eruẹlo yẹ hinmhin odin.—Mt 9:27-34

5. Beji Jesu rẹ ha nẹga ene agbaẹbho bi ene idunmhun, ọle da ha hinmhin ẹbho ne khọnmhọn emianmhẹn nọn ki rẹ khin.—Mt 9:35, 36

Be imhẹn arẹ sabọ re ahoẹmhọn-egbe bi itohan man yẹ gbera ọnikhẹ?