A Nanbhi Obọ Ikpeta Ẹbho Re Ebale Nin Ẹbho Ne Bunbun

Bhi ukpe 32 C.E., egbẹghe iluemhin ọsi Anagbera, Jesu da lu emhin ọhan-ilo ọkpa. Arẹmiẹn ghe uwẹ dẹ miẹn emhin ọhan-ilo kẹkẹ nin Jesu lu tie bhi ebe nọnsi Matthew, Mark, Luke bi John, ọne emhin ọhan-ilo nan ọkpa ele rebhe kugbe tẹmhọnlẹn.

Uwedẹ nin Jesu rẹ re ebale nin ọne usun ẹbho nan le, iriọ ọle sẹyẹ rẹ lu ọle rẹ sẹbhi ẹlẹnan.

14:16-21

• Arẹmiẹn ghe ibrẹdi isẹn bi ehẹn eva ọkpa edibo nesi Jesu ha mhọnlẹn, Jesu da taman ele ne re ebale nin usun ẹbho le

• Jesu da ne ene ibrẹdi isẹn bi ehẹn eva yẹ nan erọnmhọn ọbho. Ọle ki nan erọnmhọn fo, ọle da gha ọle nin edibo nesọle. Edibo nesọle da gha ọle nin ọne usun ẹbho

• Emhin ọhan-ilo nọn ghe ẹbho da le ebale khọn. Ọne ebale da sẹyẹ kẹre. Jesu da nanbhi obọ ọsi ikpeta edibo nesọle re ebale nin ekutu ẹbho le

  

• Jesu da tale ghe, bhi ikpẹdẹ ọkike ọsi ọne agbọn nan, ọle dẹ zẹ ọguọmhandia nọn da ha re “ebale ọriọn re bhi ẹghe nọn khẹke.”—Mt 24:45

• Bhi ukpe 1919, Jesu da zẹ ọne “ọguọmhandia nọn wanlan nan gba ẹkẹ ọle” nọn ha re ebale nin “eguọmhandia nesọle.” Ọne “ọguọmhandia nọn wanlan nan gba ẹkẹ ọle,” da ha yi ikpeta ẹbho bhi ẹwẹ enanzẹle. Ẹbho rebhe ne le ọne ebale ọriọn, ele hi “eguọmhandia nesọle”

• Beji Jesu rẹ nanbhi obọ ikpeta ẹbho re ebale nin ẹbho le bhi ore nin ọhẹnhẹn, iriọ ọle sẹyẹ rẹ nanbhi obọ ikpeta ẹbho bhi ẹwẹ enanzẹle re ebale ọriọn nin ẹbho ẹlẹnan

Be imhẹn ha rẹ rẹman yẹ ghe mhẹn lẹn obọ ẹbho nin Jesu rẹ re ebale ọriọn nin mhan le ẹlẹnan? Be imhẹn ha rẹ rẹman yẹ ghe mhẹn mun ekpẹn nin ele?