“Ha Mun Ekpẹn Nin Aba Ẹ bi Inẹn Ẹn”

Ẹghe nin Jesu rẹ ha ribhi ọne otọ nan, ọ da yọle ghe, ọ manman khẹke nin mhan lu rẹkhan uhi nọnsi Osẹnobulua nọn yọle: “Ha mun ekpẹn nin aba ẹ bi inẹn ẹn.” (Ex 20:12; Mt 15:4) Ọbha ha khua iJesu bhi unun nọn rẹ tale, ranmhude, ẹghe nin ọle rẹ ha ribhi usẹn, ọle wo ha mun ẹkpẹn nin ene biẹ ọle. (Lu 2:51, ftn.) Jesu rẹ wanre kiẹn okpea fo, ọle da sẹyẹ ha mun ekpẹn nin ene biẹ ọle. Ọle rẹ ha yu, ọ da guanọ ọria nọn ha gbẹloghe inẹn ọlẹn sade ọle ki yu fo.—Joh 19:26, 27.

Bhi ẹghe nọnsẹmhan yẹ, ibhokhan ne re ekpẹn nin ene biẹ ele talọ, yẹ hẹnmhọn nin ele, gene mun ekpẹn nin ele. Ọkpakinọn, ọiyi ikuẹkuẹ ibhokhan ọkpa Osẹnobulua yọle ne ha mun ekpẹn nin ene biẹ ele. Ebi mhan ki rẹ wanre sẹ yẹ, ọkhẹke nin mhan ha mun ekpẹn nin ene biẹ mhan, arẹmiẹn ele ki dọmanlẹn. Mhan dẹ sabọ miẹn elele bhi ẹwanlẹn nọnsele. (Pr 23:22) Uwedẹ ọbhebhe nin mhan ha rẹ mun ekpẹn nin ene biẹ mhan ne ki dọmanlẹn, ọle hi nin mhan ha gbẹloghe ele, lẹn emhin nọn kpokpo ele yẹ nọọn ẹmhọn ele. (1Ti 5:8) Eka ikpe nin mhan ki rẹ khin, mhan a ha re ekpẹn nin ene biẹ mhan talọ, uwedẹ kpataki nọn nin mhan rẹ mun ekpẹn nin ele.

GHE ỌNE IVIDIO NỌN YỌLE BE IMHẸN HA RẸ HA NIN ENE BIẸ MHẸN TALỌ YẸ? BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Bezẹle nọn da nọghọ ẹgheso nin uwẹ rẹ nin ene biẹ uwẹ talọ?

• Be uwẹ ha rẹ mun ekpẹn nin ene biẹ uwẹ yẹ sade uwẹ nin ele talọ?

  

• Bezẹle nọn da khẹke nin uwẹ ha dọnmhegbe nin uwẹ rẹ nin ene biẹ uwẹ talọ? (Pr 15:22)