Hẹi Kiẹn Udo Nọn Ha Dua Oẹ Nọnsẹ La ọsi Ọria Ọbhebhe

Jesu da re ijiẹmhin kẹkẹ rẹ rẹman ghe ọi yi emhin ojiẹ hiehie nin mhan rẹ lu emhin nọn ha rẹ mhan dua oẹ la dua oẹ ọsi ọria ọbhebhe.

18:6, 7

• Emhin la idia nọn irẹkhin, nọn ha sabọ re ọria de ọbhi olukhọ la lu emhin nọn bha gba, ọle hi Baibo tie ọle “udo nọn dua ọria oẹ”

• A ha mun udo nan rẹ nọ emhin rọ ọria bhi uru, sua ọle fi ọbhi ẹkẹ okpẹdẹ, ọle mhẹn gbera ghe ọne ọria kiẹn udo nọn dua ọria ọbhebhe oẹ

18:8, 9

• Jesu da taman edibo nesọle, nin ele hian emhin nọn ha re ele dua oẹ fia. Ọ da yọle ghe ọne emhin ha rẹ ha yi emhin nọn daan mhan bọsi obọ la ẹlo, nin mhan hian ọlẹn fia

• Nan rẹ hian emhin nọn sẹriọ fia nan da sabọ nanbhi Agbejele nọnsi Osẹnobulua mhẹn gbera nan rẹ re otọ nin emhin nọn sẹriọ rẹ re ọria nanbhi Gehenna. Nanrẹ gbe ọria khuelo sẹsẹsẹ, ọle Gehenna mundia nan

Be bhọ hi emhin bhi iẹnlẹn nọnsẹmhẹn nọn ha sabọ rẹ mhẹn dua oẹ? Be imhẹn ha lu yẹ nin mhẹn hẹi dua oẹ nọnsẹmhẹn la ọsi eria ọbhebhe?