UNYẸNMHIN NỌN KHẸKE ENE RẸKHAN IJESU
Itẹmhọn Osẹnobulua bi Iman-emhin IBaibo—Ele A Rẹ Re Ẹbho Kiẹn Edibo
Jesu da taman edibo nesọle nin ele ha khian dọ re ẹbho kiẹn edibo. (Mt 28:19) Nin mhan rẹ sabọ lu ọnan, mhan dẹ ha tẹmhọn Osẹnobulua yẹ man ẹbho iBaibo. Nanbhi ẹghe rẹsi ẹghe, ọkhẹke nin mhan rebhe ha nọọn egbe mhan, ‘Be imẹn ha rẹ sabọ ha lu ene iwẹnna nan veva nọnsẹn yẹ?’
ITẸMHỌN OSẸNOBULUA
Mhan ida ha khẹ nin ẹbho ka bu mhan re fo mhan kuẹ nin ele talọ. Ọkhẹke nin mhan ha dọnmhegbe rẹ guanọ ẹbho nin mhan ha deba zilo. (Mt 10:11) Mhan a ha ribhi iwẹnna itẹmhọn Osẹnobulua, ọkhẹke nin mhan ha guanọ uwedẹ nin mhan ha rẹ tẹmhọn Osẹnobulua man ẹbho nin mhan ki rẹ miẹn. (Ac 17:17) Ranmhude uwedẹ nin Paul rẹ ha tẹmhọn Osẹnobulua bhi eji ọle ki da rẹ miẹn ẹbho, Lydia da sabọ kiẹn odibo.—Ac 16:13-15.
“Kọ ikpẹ nọnsẹ bhi ọsewewiẹ. Rẹsẹbhi ọsemuan, hẹi ji obọ nọnsẹ hẹn-an” (Ec 11:6)
GHE ỌNE IVIDIO NATIỌLE HẸI ZOBỌ BHI ITẸMHỌN OSẸNOBULUA—BEJI UWẸ LU ILỌNMHỌN UKPẸDẸ-UKPẸDẸ BI RẸ NANBHI UKUWA RẸSẸBHI UKUWA. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:
Be iSamuel rẹ rẹman yẹ ghe ọle dọnmhegbe nin ọle rẹ tẹmhọn Osẹnobulua man ẹbho nin ọle miẹn beji ọle lu ilọnmhọn ọsi ukpẹdẹ-ukpẹdẹ?
Bezẹle nin mhan ha da situa ha re uwedẹ kẹkẹ tẹmhọn Osẹnobulua?
Họ bhọ uwẹ ha sabọ tẹmhọn Osẹnobulua man beji uwẹ lu ilọnmhọn ukpẹdẹ-ukpẹdẹ?
IMAN-EMHIN IBAIBO
Nin mhan rẹ sabọ re ẹbho kiẹn edibo, mhan dẹ ha fikie bu ele dọ ha man ele iBaibo nin mhan rẹ rẹkpa ele lẹn iJehova yẹ dọ ga ọle. Mhan ida gheghe re ebe nesẹmhan nin ele zẹ ele obọ. (1Co 3:6-9) A ha ki miẹn ghe ọria nin mhan man ọlẹn iBaibo bha gene muegbe nin ọle rẹ luẹ ẹmhọanta? (Mt 13:19-22) Ọkhẹke nin mhan zẹ ọle obọ dọ guanọ ẹbho ne muegbe.—Mt 13:23; Ac 13:48.
“Mẹn kọ emhin, Apollos da ha sa amẹn ọbhọ, ọkpakinọn, Osẹnobulua re ọle ha wanre.” (1Co 3:6)
GHE ỌNE IVIDIO NATIỌLE HẸI ZOBỌ BHI ITẸMHỌN OSẸNOBULUA—HA LU ỌLE BHI UGHE, HA RẸ ẸBHO KIẸN EDIBO. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:
Be bhọ iSolomon bi Mary rẹ rẹkpa Ezekiel bi Abigail rẹ dọ lẹn ẹmhọanta ye?
Be bhọ hi emhin kpataki nin mhan ho nin mhan ha mhọn bhi ọkhọle sade mhan lu iwẹnna itẹmhọn Osẹnobulua bhi uwedẹ nọn ki rẹ khin?
Be mhan ha lu nin mhan rẹ sabọ manman ha man ẹbho ẹmhọanta?