UNYẸNMHIN NỌN KHẸKE ENE RẸKHAN IJESU
Re Eghọnghọn So Illo Rẹ Gẹn IJehova
Ẹghe nin Paul bi Silas rẹ ha ribhi ighan, ele da ha so illo rẹ gẹn iJehova. (Ac 16:25) Edandan iribhọ ghe ọnan deba emhin ne rẹkpa ele rẹ ziẹngbe ọne ekpokpo nin. Imhan kii? Illo oga nesẹmhan yẹ wo re izebhudu nin mhan rẹ ziẹngbe ọkakale ẹlẹnan. Gbera ọnin, mhan re ele gẹn iJehova. (Ps 28:7) A wo taman mhan nin mhan ha dọnmhẹgbe nin mhan rẹ luẹ illo oga nesẹmhan. Uwẹ ki sẹ sabọ luẹ eso bhọ? Mhan sabọ re ẹghe oga azagba-uwa rẹ luẹ eso bhọ, nin mhan da sabọ guẹ ele nọnsẹn.
GHE ỌNE IVIDIO NATIỌLE IBHOKHAN RE ILLO RẸ GEN IJEHOVA. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:
Be hi elele nin mhan miẹn bhọ sade mhan so illo oga?
Ahamiẹn a guanọ nan rẹkọd illo, be bhọ ene mhọn obọ bhọ rẹ muegbe yẹ?
Be bhọ enebiọmọn bi imọn nesele rẹ muegbe yẹ sade a zẹ imọn nesele ne deba bhi illo nan ha rẹkọd?
Ọnela yẹẹ uwe nẹ bhi illo nesẹmhan? Bezẹle nọn da yẹẹ uwẹ nẹ?