UNYẸNMHIN NỌN KHẸKE ENE RẸKHAN IJESU
Ha Deba Ẹbho Ne Hoẹmhọn IJehova Muobọ
Bezẹle nin mhan ha da ha deba ẹbho ne hoẹmhọn iJehova muobọ? Ranmhude, ẹbho nin mhan deba khian dẹ sabọ re imhan lu emhin ne mhẹn la emhin ne imhẹn. (Pr 13:20) Bhi ọsi ijiẹmhin, Jehoash nin Ojie da ha lu emhin ne yẹẹ iJehova ẹghe nin ọle rẹ ha deba Jehoiada nin Ojohẹn muobọ. (2Ch 24:2) Sokpan, ẹghe nin Jehoiada ki rẹ yu fo, Jehoash da fi ikeke gbe iJehova ranmhude imọẹ ne imhẹn nin ọle dọ ha ne khian.—2Ch 24:17-19.
Bhi ore nin ọhẹnhẹn, Paul nin odibo da re agbotu ọsi iKristiẹn rẹ khọkhọ uwa nọn kpọnọ. Ọle da yẹ re ene iKristiẹn ne ribhọ rẹ khọkhọ emhin nan miẹn bhi uwa. Ahamiẹn mhan rẹban ọria nọn lu emhin nọn iyẹẹ iJehova, mhan ki sabọ ha yi emhin nan miẹn bhi uwa nọn ha ji a rẹ lu emhin, aharẹmiẹn azagba-uwa nọnsẹmhan, la agbotu nọnsẹmhan ọnọn ọria ye. (2Ti 2:20, 21) Bhiriọ, bha ji mhan rebhe ha zẹ imọẹ ne hoẹmhọn iJehova, ne ha yẹ rẹkpa mhan rẹ ha ga ọle.
GHE ỌNE IVIDIO NATIỌLE LUẸ EBI UWẸ HA RẸ RẸBAN IMỌẸ NE IMHẸN YẸ. BHA HA KI GHE ỌLE FO, WANNIẸN ENE INỌNTA NAN:
Uwedẹ kẹkẹ nela mhan ha rẹ sabọ deba ẹbho ne imhẹn ha muobọ?
Be rẹkpa ibhio mhan ea rẹ sabọ zẹ imọẹ ne imhẹn nọnsele obọ bhi ọne vidio nan?
Adia nela bhi Baibo ha sabọ rẹkpa uwẹ rẹ zẹ imọẹ ne mhẹn?
‛Emhin nọn ji a rẹ lu emhin,’ imẹn be khin?—2Ti 2:21