Iwẹnna Esili Nan Ida Yelea Ghee

Mhan rebhe dẹ sabọ lu iwẹnna esili nin Osẹnobulua nin ọle ida yelea ghee. Bọsi aba nọn hoẹmhọn iwẹnna nin imọn nesọle lu, Jehova ida yele iwẹnna nin mhan lu nanlẹn bi oyẹẹ nin mhan mhọn da elin nọnsọle a. (Mt 6:20; Heb 6:10) Bhi ọsi ẹmhọanta, mhan rebhe ida sabọ lu emhin ọkpa. Ọkpakinọn, mhan dẹ ha ghọnghọn sade mhan rebhe lu eka nin mhan ha sabọ lu bhi iwẹnna nọnsi Jehova. (Ga 6:4; Col 3:23) Bhi ikpe ne bunbun nian, ibhio mhan ne bunbun wo zegbere dọ ga bhi Bẹtẹ. Uwẹ dẹ sabọ zegbere dọ ga bhi Bẹtẹ? Ahamiẹn uwẹ ida sabọ lu ọle, uwẹ dẹ sabọ rẹkpa ọria ọbhebhe nin ọle da sabọ dọ ga bhi Bẹtẹ? La, uwẹ dẹ sabọ rẹkpa ọria nọn ga bhi Bẹtẹ fo, nin ọle hẹi zobọ bhọ?

GHE ỌNE IVIDIO NATIỌLE ZEGBERE NIN UWẸ RẸ WẸNNA BHI BẸTẸ. BHA HA KI GHE ỌLE FO, WANNIẸN ENE INỌNTA NAN:

• Be ha re ọria ha guanọ nin ọle dọ ga bhi Bẹtẹ?

• Elele nela ibhio mhan eso ne ga bhi Bẹtẹ yọle ele miẹn?

• Emhin nela uwẹ ha lu, nin uwẹ da sabọ dọ ga bhi Bẹtẹ?

• Be bhọ uwẹ ha rẹ tare yẹ ghe uwẹ ho nin uwẹ dọ ga bhi Bẹtẹ?