Be Uwẹ Ha Lu Yẹ bhi Ukpe Nan Amẹn Bha Rọ?

Mhan ha rẹọ bhi Jehova, ọ yẹ khẹke nin mhan mun udu nyan ọlẹn. Ranmhude, mhan ida sabọ lu ọkpa ghe mhan bha lu ọnọnkẹle. Bhi ọsi ijiẹmhin, sade mhan bha manman rẹọ bhi Jehova, mhan ida sabọ mun udu nyan ọlẹn ghe ọle dẹ gbẹloghe mhan yẹ gbega mhan. (Ps 23:1, 4; 78:22) Beji mhan ha rẹ manman ha sikẹ ọkpẹnlẹn ọsi ọne agbọn nan, Esu dẹ wo ha kaka obọ ọbhi ekpokpo nin ọle kpokpo mhan. (Re 12:12) Be ha sabọ rẹkpa mhan rẹ khọn miotọ?

GHE ỌNE IVIDIO NATIỌLE BE UWẸ HA LU YẸ BHI UKPE NAN AMẸN BHA RỌ? BHA HA KI GHE ỌLE FO, WANNIẸN ENE INỌNTA NAN:

1. Be imhan rẹ diabe oran nan tẹmhọn ọlẹn bhi Jeremiah 17:8 yẹ?

2. Be hi emhin ọkpa nọn ha sabọ “ghan” mun mhan?

3. Be ha sunu ji ọne oran? Bezẹle?

4. Be bhọ hi emhanmhan nọnsi Esu?

5. Be imhan rẹ diabe eria ne lẹn ebi ọ diayẹ nan rẹ nabhi arople?

6. Bezẹle nọn da khẹke nin mhan sẹyẹ wo ha gba ẹkẹ ọguọmhandia nan gba ẹkẹ ọle? Edọnmhẹn nela mhan ha sabọ miẹn?

7. Bezẹle nin mhan ha da sẹyẹ ha rẹọbhọ ghe adia ne ribhi Baibo mhẹn nẹ, aharẹmiẹn ghe ẹbho zuọzuọ mhan?