Be Ọta Nọnsi Osẹnobulua Ghan Sẹ Yẹ bhi Ẹlo Nọnsẹ?

Ọta nọnsi Osẹnobulua nin Jehova, ele ribhi ẹkẹ iBaibo. Obọ iJehova, ọle iBaibo na vae. (2Pe 1:20, 21) Ebi Osẹnobulua ha rẹ re Agbejele nọnsọle rẹ rẹman ghe ọle hi ọnọn khẹke nọn ha gbẹloghe otọ bi okhun, ọle hi uhọnmhunje kpataki nọn ribhi Baibo. Ọne uhọnmhunje ọsi Agbejele, ọle rẹkpa mhan rẹ lẹn ghe ẹghe odalo nọn mhẹn vade. Baibo yẹ rẹkpa mhan rẹ lẹn ikpẹ esili nesi Jehova nin Aba mhan.—Ps 86:15.

Ọdeọde bhi ẹwẹ mhan mhọn emhin kẹkẹ nọn zẹle nin Baibo da yi ebe nọn ghanlẹn bhi ẹlo nọnsọle. Sokpan, ọkhẹke nin mhan rẹman ghe ọne ebe nan gene ti mhan bhọ. Be imhan da rẹ lu ọnan yẹ? Mhan ki ha tie ọle ẹdẹdẹ, yẹ re obọ rẹkhan ọlẹn bhi iẹnlẹn nọnsẹmhan. Bha ji mhan re emhin nin mhan lu rẹ rẹman ghe mhan mhọn ọkhọle nin ọria nọn gbẹn Psalm 119 mhọnlẹn, nọn yọle: “Mẹn wo manman hoẹmhọn uhi nọnsi uwẹ!”—Ps 119:97.

GHE ỌNE IVIDIO NATIỌLE ỌTA NỌNSI OSẸNOBULUA WO MANMAN GHAN BHI ẸLO NỌNSELE—UKPỌKHERE (WILLIAM TYNDALE). BHA HA KI GHE ỌLE FO, WANNIẸN ENE INỌNTA NAN:

• 

  Bezẹle nin William Tyndale da ha guanọ nin ọle zedu iBaibo diọ bhi urolo ebo (English)?

• Bezẹle nin uwedẹ nin ọle rẹ dọnmhegbe nin ọle rẹ zedu iBaibo da ha yi emhin kpataki?

• Be a rẹ do ha muno iBaibo nin Tyndale zedu ọle nabhi England yẹ?

• Be imhan ha rẹ rẹman yẹ ghe mhan hoẹmhọn ọta nọnsi Osẹnobulua?