Uwẹ Be Muẹgbe?

Uwẹ be sẹ muegbe ebi uwẹ ha rẹ lu emhin yẹ sade emhin idunmhuri sunu bhi eji uwẹ da nyẹnlẹn? Emhin idunmhuri kẹkẹ sabọ rẹ sunu. Otọ sabọ rẹ mun vẹa, efi sabọ rẹ fi, eranlẹn sabọ ha tuẹ emhin an khian, sẹyẹ, ologho-amẹn sabọ rẹ khu ọria sibhi uwa re. Iguaguako ene emhin nan rebhe rẹ sunu. Rẹ deba ene emhin nan, okhọn sabọ rẹ re osukpa de bhi eji mhan da nyẹnlẹn la emianmhẹn ọbe sabọ rẹ ha vẹ khian bhi eji mhan da nyẹnlẹn. (Ec 9:11) Ọ bha khẹke nin mhan ha riale ghe ene emhin nan ida sabọ sunu bhi eji mhan da nyẹnlẹn.

Ọkhẹke nin mhan ha muẹgbe khẹ emhin idunmhuri ne ha sabọ sunu. (Pr 22:3) Arẹmiẹn ghe agbotu nọnsemhan dẹ rẹkpa mhan sade emhin idunmhuri sunu, ọ bha khẹke nin mhan wo khi-abọ. Ọkhẹke nin ọdeọde bhi ẹwẹ mhan ha muegbe ọbhi otọ.​—Ga 6:​5, ftn.

GHE ỌNE IVIDIO NATIỌLE UWẸ BE MUEGBE KHẸ EMHIN IDUNMHURI NE HA SABỌ SUNU? BHA HA KI GHE ỌLE FO, WANNIẸN ENE INỌNTA NAN:

• 

  Be ikolu nọn ziẹnlẹn nin mhan bi Jehova ko mhọnlẹn ha rẹ rẹkpa mhan yẹ sade emhin idunmhuri sunu?

• 

  Bezẹle nọn da khẹke nin mhan . . .

  • • ji ene ewanlẹn lẹn ebi mhan ho nin mhan rẹ khian yẹ ọkuẹsẹ emhin idunmhuri sunu, bhi ẹghe nọn rẹ sunu, bi sade ọ sunu fo?

  • • ha mhọn obhi ẹkpa nin mhan ne ikuẹkuẹ emhin ọi, nin mhan ha sabọ jẹje mun rẹkhan egbe sade emhin idunmhuri sunu?​—g17.5 6

  • • zilo nyan emhin idunmhuri kẹkẹ ne ha sabọ sunu bhi eji mhan da nyẹnlẹn, yẹ lẹn ebi mhan ha khian yẹ?

• 

  Be hi emhin ea nin mhan ha sabọ lu nin mhan rẹ rẹkpa ibhio mhan nin emhin idunmhuri sunu je?