EMHIN NE GHANLẸN NE RIBHI BAIBO | EXODUS 10-11

Moses bi Aaron Da Re Izebhudu Man

10:3-6, 24-26, 28; 11:4-8

Bhi ẹghe nọnsi Moses, Pharaoh hi ojie nọn ke okhun nẹ bhi otọ agbọn rebhe. Ọrẹyiriọ, Moses bi Aaron da re izebhudu bu ọle dọ taman ọlẹn emhin nin Jehova tale. Be rẹkpa ele rẹ ha mhọn izebhudu nọn sẹriọ? Ghe ebi Baibo tale rẹji Moses: “Ranmhude urẹobhọ, ọle da sibhi Egypt re. Ofẹn ohu ọsi ọne ojie bha ha mun ọlẹn. Ọle da sẹyẹ wo deziẹn bọsi ọnọn daghe Ọne a isabọ daghe.” (Heb 11:27) Moses bi Aaron wo ha mhọn urẹọbhọ da iJehova. Ele da yẹ mun udu nyan ọlẹn.

Be hi idia eso nin uwẹ ha da re izebhudu ta ebi uwẹ rẹọ man ọria nọn ribhi ihe?

Ifoto: Idia nin mhan ha da re izebhudu mhan. 1. Ọmọn okpea ọkpa bhi isiku fẹkẹ mun ekpẹn ọbhi egbe beji imọn nekẹle ha so inational anthem. 2. Obhio mhan nin okpea mundia bhi odalo ene bhohiẹn bhi kotu. 3. Unakpa ọkpa ghe obhio mhan nin usẹn okpea nọn re itrati nin ọria nin ọle tẹmhọn Osẹnobulua man.