UNYẸNMHIN NỌN KHẸKE ENE RẸKHAN IJESU
Hẹi Ha Wewe Ohoghe Khian
Ukpẹdẹ nin ẹlẹnan, ranmhude ebe, radio, television bi intanẹt, ọ iyẹ zẹwẹ nọghọ nin ẹbho rẹ kẹ họn ẹmhọn. Ranmhude ọnan, ọkhẹke nin mhan mhọn ẹwanlẹn, nin mhan ne ga Osẹnobulua ọsi ẹmhọanta hẹi dọ ha wewe ohoghe khian. (Ps 31:5; Ex 23:1) Ọta ohoghe nan wewe nẹga sabọ riia emhin an. Nin mhan rẹ lẹn si ẹmhọn nin mhan họn si ẹmhọanta nọn, ọkhẹke nin mhan nọọn egbe mhan ene inọnta nan:
‘Ji ọne ọta na vae?’ Asabọmiẹn ọria nọn ta ọne ẹmhọn bha lẹn otọ ọle nọnsẹn. Ọta nọn na unun ẹbho kẹkẹ khian sabọ fidenọ. Bhiriọ, ahamiẹn ghe uwẹ bha sabọ lẹn eji ọne ọta da jẹre, mhọn ẹwanlẹn, hẹi gha ọle nẹga. Ọnan wo manman rẹtẹ ibhio mhan ne mhọn ihe bhi ẹkẹ agbotu, ranmhude ele ha wewe ẹmhọn nan bha lẹn si ẹmhọanta nọn nẹga, ibhio mhan ne bunbun dẹ rẹọbhọ ghe ẹmhọanta nọn
‘Ọta nọn riia ọria elin an be nọn?’ Ahamiẹn ọta nọn riia elin ọsi ọria la usun ẹbho a nọn, ọ bha khẹke nin mhan wewe ọle nẹga.—Pr 18:8; Php 4:8
‘Ọne ọta bhọ gene dia bhi ehọ?’ Mhọn ẹwanlẹn bhi ido ne diabe ebi a re asin bi umhẹn ba
GHE ỌNE IVIDIO NATIỌLE BE IMẸN HA RẸ RẸBAN ỌTA-IKE YẸ? BHA HA KI GHE ỌLE FO, WANNIẸN ENE INỌNTA NAN:
Beji Proverbs 12:18 tale, be ọta nọnsẹmhan ha sabọ sire?
Be ẹmhọn nọn ribhi Philippians 2:4 ha rẹ rẹkpa mhan rẹ lẹn uwedẹ nọn khẹke nin mhan rẹ ha tẹmhọn eria ebhebhe yẹ?
Be ọkhẹke nin mhan lu yẹ sade ẹbho nin mhan bi ele ko zilo munhẹn ha ta ọta nọn bha gba rẹji eria ebhebhe?
Mhan kuẹ munhẹn ha tẹmhọn eria ebhebhe, be hi inọnta nọn khẹke nin mhan nọọn egbe mhan le?