Ene Biẹ Ọmọn, Bha Man Imọn Nesẹbha Emhin

Agbọn nin ẹbho da ghe emhin ọbe bii emhin nọn mhẹn yẹ ghe emhin nọn mhẹn bii emhin ọbe, ọle mhan da nyẹnlẹn. (Isa 5:20) Ọ ba bhi egbe a ghe, ẹbho eso lu emhin nin Jehova hele, rẹ sẹbhi ilọnmhọn oghẹ nin okpea bi okpea la nin okhuo bi okhuo ko lu. Asabọmiẹn ghe imọn nesẹmhan mhọn imọẹ bhi isiku la eria ebhebhe ne sua ele ọbhọ rẹ ha lu emhin nọn imhẹn. Bhiriọ, be uwẹ ha rẹ sabọ mun imọn nesẹ egbe ọbhi otọ khẹ edọnmhẹn ne sẹriọ yẹ?

Man imọn nesẹ uhi nesi Jehova. (Le 18:3) Fẹkẹ ha man ele ebi Baibo tale rẹji inegbe nowẹ. Eka ikpe nin ele wanre sẹ yẹ bi ebi ele lẹn emhin sẹ yẹ, ọle uwẹ ha mun ọbhi ọkhọle rẹ man ele emhin. (De 6:7) Nọọn egbe ẹ ene inọnta nan: ‘Imẹn sẹ be man imọn nesẹmhẹn emhin rẹji oyẹẹ nọn khẹke nin ele ha mhọn da ẹbho, ebezẹle nọn da yi emhin kpataki nin ele rẹ ha yọ ukpọn nọn mhẹn, bi ebezẹle nọn da khẹke nin ẹbho ebhebhe ha re ekpẹn ne ele lu emhin? Imọn nesẹmhẹn dẹ be sabọ lẹn emhin nin ele ha lu sade ọria guanọ nin ọle re adudu la ividio ọsi ẹbho ne banọn an man ele la sade ọria taman ele nin ele lu emhin nin Jehova hele?’ Ahamiẹn uwẹ ka man ele emhin ne dia inian ọbhi otọ, ọ ki rẹkpa ele rẹ sabọ rẹban ilọnmhọn nọn hi ki rẹ khin ne imhẹn. (Pr 27:12; Ec 7:12) Ahamiẹn ibha man imọn nesẹbha emhin, ọ ki rẹman ghe ibha gene hoẹmhọn ene imọn nin Jehova rẹ lu ẹsele nin bha.​—Ps 127:3.

GHE ỌNE IVIDIO NATIỌLE, BỌN UWA NỌN HA SABỌ TỌ​—GBEGA IMỌN NESI UWẸ BHI ‘EMHIN NEI MHẸN.’ BHA HA KI GHE ỌLE FO, WANNIẸN ENE INỌNTA NAN:

• 

  Bezẹle nan da miẹn ghe ẹbho eso iguanọ nin ele kẹ man imọn nesele emhin rẹji inegbe nowẹ?

• 

  Bezẹle nọn da yi emhin kpataki nin ene biẹ ọmọn rẹ ha man imọn nesele “adia bi ibhude nọnsi Jehova”?​—Eph 6:4

• 

  Emhin nela agbotu nọnsi Jehova zẹ ọle egbe dagbare ne ha rẹkpa ene biẹ ọmọn rẹ sabọ ha man imọn nesele emhin rẹji inegbe nowẹ?​—w19.05 12, ẹkpẹti

• Bezẹle nọn da yi emhin nọn khẹke nin ibha rẹ ha deba imọn nesẹbha zilo ẹghe-ẹghe ọkuẹsẹ ẹmhọn zegbere?