LU IWẸNNA ITẸMHỌN OSẸNOBULUA | JI EGHỌNGHỌN NIN UWẸ MIẸN BHI IWẸNNA ITẸMHỌN OSẸNOBULUA HA TUẸN OKHUN
Noo Arẹkhọkhọ Rẹ Zẹ Ọta Kpataki Egbe Dagbare
Ahamiẹn mhan lu afikie yo la mhan man ẹbho iBaibo, ọkhẹke nin mhan rẹkpa ele lẹn otọ emhin kpataki ne ribhi eji mhan man ele le. Mhan ha re ijiẹmhin ọbhi ene emhin kpataki nan, ọ dẹ sabọ re ọle sẹ otọ ọkhọle nọnsele, yẹ ha re ọle lẹkhẹ nin ele rẹ ha yere ebi ele luẹle.
Beji uwẹ ha rẹ ha muegbe ebi uwẹ ha man afikie yo nesẹ le la ene uwẹ man ele iBaibo, hanọn ikpọta kpataki ne ribhọ nin uwẹ ha re ijiẹmhin ọi. Ọ iyi emhin rebhe uwẹ ha wo re ijiẹmhin ọi. Noo ijiẹmhin ne lẹkhẹ, ọsi emhin nan kẹ noo ukpẹdẹ-ukpẹdẹ. (Mt 5:14-16; Mr 2:21; Lu 14:7-11) Hẹi noo ijiẹmhin nin ọne ọria bha lẹn ẹlo le. Ijiẹmhin ne rẹso ọle uwẹ ha noo. (Lu 5:2-11; Joh 4:7-15) Uwẹ dẹ ha ghọnghọn sade uwẹ daghe eghọnghọn nọn ribhi ọne ọria ẹlo ranmhude ebi uwẹ man ọle le mun ọle ẹlo kore.
GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU—MANMAN GUẸ IWẸNNA ITẸMHỌN OSẸNOBULUA—NOO ARẸKHỌKHỌ RẸ ZẸ ỌTA KPATAKI EGBE DAGBARE. BHA HA KI GHE ỌLE FO, WANNIẸN ENE INỌNTA NAN:
Bezẹle nọn da khẹke nin mhan rẹkpa ene imhan man ele iBaibo rẹ lẹn otọ eji mhan tiele bhi Baibo?
Be iNeeta rẹ re ijiẹmhin ọbhi ẹmhọanta nọn ribhi Romans 5:12 yẹ?
Arẹkhọkhọ ne mhẹn rẹso eria bhi ọkhọle
Be ijiẹmhin esili nin mhan noo ha rẹ sabọ rẹkpa ene imhan man ele iBaibo yẹ?
Ahamiẹn mhan ribhi itẹmhọn Osẹnobulua, bezẹle nọn da khẹke nin mhan ha noo ividio bi emhin nekẹle nin agbotu ọsi Jehova zẹ ọle egbe dagbare rẹ man ẹbho emhin?