Jehova Re Adia Nin Mhan Ranmhude Oyẹẹ Nin Ọle Mhọn Da Mhan

Adia nan re nin ọria mundia nin uhi bi emhin nan man ọria le, sokpan ọ yẹ mundia nin nan rẹ dia ọria ọbhi odẹ bi nan rẹ re oya nin ọria ranmhude emhin ebe nin ọle lu. Jehova re adia mhan beji mhan ha da sabọ ga ọle bhi uwedẹ nọn yẹẹ ọle. (Ro 12:1; Heb 12:​10, 11) Adia sabọ ha ba bhi egbe ẹgheso, sokpan, ọ re imhan mhọn ikhiale yẹ miẹn erọnmhọn bhi iẹnlẹn. (Pr 10:7) Be ọkhẹke nin ene re adia nin ọria bi ene a re adia nan ha mhọn bhi ọkhọle?

Ọnọn re adia nin ọria. Ene ewanlẹn, enebiọmọn, bi ẹbho nekẹle manman dọnmhegbe nin ele rẹ ha re ifuẹkẹ bi oyẹẹ re adia nin ẹbho beji Jehova lu. (Jer 46:28) Aharẹmiẹn adia nọn kaka nọn, ọkhẹke nan re oyẹẹ rẹ re ọle nin ọne ọria, yẹ re uwedẹ nọn khẹke ọne ọria rẹ re ọle nanlẹn.​—Tit 1:13.

Ọne a re adia nan. Uwedẹ nọn hi ki rẹ khin nan rẹ re adia nin mhan, ọ bha khẹke nin mhan he ọle, sokpan ọkhẹke nin mhan miẹn ọlẹn ọbhi egbe. (Pr 3:​11, 12) Ranmhude ọ bha gba nin mhan fo, mhan rebhe guanọ nan ha re adia nin mhan. Ene adia nan sabọ vae bhi uwedẹ kẹkẹ. Mhan sabọ miẹn ene adia bhi ebi mhan tie bhi Baibo la ebi mhan họn bhi ikolo oga. Ẹgheso, ọ ki yẹ khẹke nin ene ewanlẹn bhi agbotu re adia nin mhan. Ahamiẹn mhan miẹn ene adia nan ọbhi egbe yẹ re ọle nyẹnlẹn bhi iẹnlẹn nọnsẹmhan, iẹnlẹn ki wo kiẹn ọlẹn nin mhan, sẹyẹ, mhan ki sabọ miẹn iẹnlẹn ighegheghe nọn vade bhi ẹghe odalo.​—Pr 10:17.

BHA GHE ỌNE IVIDIO NATIỌLE, “ERIA NIN JEHOVA HOẸMHỌNLẸN, ELE ỌLE RE ADIA NAN.” BHA HA KI GHE ỌLE FO, WANNIẸN ENE INỌNTA NAN:

• 

  Be iCanon rẹ mun iẹnlẹn nọnsọle ke yẹ? Be ọ ki rẹ fidenọ yẹ?

• 

  Adia nela Jehova re oyẹẹ re nanlẹn?

• 

  Be imhan miẹn luẹ bhi ijiẹmhin nọnsọle?