Ha Re Ọyaya Man Emhin

Ahamiẹn mhan re ọyaya rẹ talọ, ebi mhan ta ki ha rẹso ọkhọle ọsi eria nin mhan ne talọ. Ọ yẹ rẹkpa ele rẹ ka mhan ehọ nọnsẹn. Ọ yẹ rẹman ghe ẹlo nọn ghanlẹn mhan rẹ ghe uhọnmhunje nin mhan taman ẹbho. Eji ọ hi ki rẹ khin nin mhan na vae, la uwedẹ nọn hi ki rẹ khin nin mhan rẹ lu emhin, mhan dẹ sabọ ha re ọyaya talọ. (Ro 12:11) Be imhan ha rẹ sabọ lu ọle yẹ?

Ọhẹnhẹn, ria eria nyan ebezẹle nin uhọnmhunje nin uwẹ taman ẹbho da yi emhin kpataki. Uwẹ mhọn ọne isẹhoa rẹ ha wewe “ọta nọn mhẹn!” (Ro 10:15) Ọzeva, ria eria nyan ebi ọta nọn mhẹn nin uwẹ taman ẹbho ha rẹ sabọ rẹkpa ele yẹ. Ọ wo khẹke nin ele họn ebi uwẹ taman ele. (Ro 10:​13, 14) Ọzea, re ọyaya talọ. Ji ẹbho daghe ọle bhi ẹlo nọnsẹ bi uwedẹ nin uwẹ rẹ lueghe obọ.

GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU​​—MANMAN GUẸ IWẸNNA ITẸMHỌN OSẸNOBULUA​—HA RE ỌYAYA MAN EMHIN. BHA HA KI GHE ỌLE FO, WANNIẸN ENE INỌNTA NAN:

• 

  Bezẹle nin ọyaya nin Neeta rẹ ha man iJane iBaibo da wẹghẹ a?

• 

  Be rẹkpa iNeeta rẹ kie ha mhọn ọyaya?

• 

  Bezẹle nọn da khẹke nin mhan ha denọ ẹlo ọbhi ikpẹ esili ọsi ẹbho nin mhan tẹmhọn Osẹnobulua man?

• Be uwedẹ nin mhan rẹ re ọyaya talọ ha rẹ rẹso ene imhan man ele iBaibo bi ẹbho nekẹle yẹ?