Ha Re Ahoẹmhọn-egbe Man bhi Azagba-uwa Nọnsẹ

Oyẹẹ manman re azagba-uwa sikẹ egbe. Ahamiẹn oyẹẹ iribhi azagba-uwa, ele ida ha mhọn okugbe, ele ida yẹ ha re ọkhọle ọkpa lu emhin. Uwedẹ nela ọdọ, amhẹn, bi enebiọmọn ha rẹ ha re oyẹẹ man bhi ẹkẹ azagba-uwa?

Ọdọ nọn mhọn oyẹẹ dẹ ha ria ẹmhọn ebi okhuo ọle guanọ, ebi okhuo ọle ghe emhin yẹ, bi ebi emhin dia ọle yẹ bhi egbe. (Eph 5:​28, 29) Ọle dẹ ha gbẹloghe azagba-uwa nọnsọle bhi uwedẹ efun bi uwedẹ oriọn. Rẹ deba ọnin, ọle dẹ ha lu Oga Azagba-uwa ẹghe-ẹghe. (1Ti 5:8) Amhẹn nọn mhọn oyẹẹ ki ha degbere nin ọdọ ọle yẹ mun “ekpẹn nọn dinmhin” nanlẹn. (Eph 5:​22, 33; 1Pe 3:​1-6) Ọkhẹke nin okhuo bi ọdọ re ọkhọle rebhe rẹ ha rẹhunmhan egbe. (Eph 4:32) Ọkhẹke nin enebiọmọn ne mhọn oyẹẹ ha re oyẹẹ man ọdeọde bhi ẹwẹ imọn nesele, yẹ ha man ele ebi ele ha rẹ ha mhọn oyẹẹ da iJehova yẹ. (De 6:​6, 7; Eph 6:4) Ọnọghọ nela imọn nesele miẹn bhi isiku? Be ele rẹ ziẹngbe edọnmhẹn nin ele miẹn bhi obọ ibo ele yẹ? Ahamiẹn oyẹẹ manman ribhi azagba-uwa, ọrebhe bhi ọne azagba-uwa ki ha mhọn ọfure bhi ugbega.

GHE ỌNE IVIDIO NATIỌLE, HA RE AHỌẸMHỌN-EGBE NỌN IFO MAN BHI AZAGBA-UWA NỌNSẸ. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• 

  Be ọdọ nọn mhọn oyẹẹ rẹ gbẹloghe okhuo ọle, yẹ re oyẹẹ man ọlẹn yẹ?

• 

  Be amhẹn nọn mhọn oyẹẹ rẹ mun ekpẹn nọn dinmhin nin ọdọ ọle yẹ?

• 

  Be enebiọmọn ne mhọn oyẹẹ rẹ re oyẹẹ man imọn nesele ẹmhọn Osẹnobulua yẹ?