LU IWẸNNA ITẸMHỌN OSẸNOBULUA | JI EGHỌNHỌN NIN UWẸ MIẸN BHI IWẸNNA ITẸMHỌN OSẸNOBULUA HA TUẸN OKHUN
Ji Ebi Uwẹ Ta Ha Sẹ Eria Ọkhọle
Ọkhọle ọ na vae nan rẹ ha hẹnmhọn nin Osẹnobulua. (Pr 3:1) Bhiriọ, ọkhẹke nin mhan dọnmhegbe rẹ ji ebi mhan man eria le ha sẹ ele ọkhọle. Be imhan ha rẹ lu ọnan yẹ?
Hẹi wo gheghe ha man ọria nin uwẹ man ọle iBaibo ẹmhọanta ne ribhi Baibo. Rẹkpa ele rẹ lẹn ebi ene ẹmhọanta ne ribhi Baibo rẹ rẹso iẹnlẹn nọnsele bi ikolu nin ele bi Jehova ko mhọnlẹn yẹ. Sẹyẹ rẹkpa ele rẹ ha mhọn ọtibhọ da ebi adia ne ribhi Baibo rẹ re oyẹẹ, umhẹnmhin, bi ikhiale nọnsi Osẹnobulua man yẹ. Re ẹwanlẹn bi ẹkẹ ẹjẹjẹ rẹ nọọn ele inọnta nọn ha rẹkpa ele rẹ ria eria nyan ebi emhin nin ele luẹ rẹ rẹso ele yẹ. Rẹkpa ele rẹ ria eria nyạn ebi iẹnlẹn nọnsele ha rẹ ha mhẹn ọbhọ yẹ sade ele fi iria-eria la uwedẹ nọn imhẹn nọnsele denọ. Uwẹ ha daghe ebi ọria nin uwẹ man ọle iBaibo rẹ ha re oyẹẹ nin ọle mhọn da iJehova man yẹ, eghọnghọn nọnsẹ ki tuẹn okhun.
GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU—MANMAN GUẸ IWẸNNA ITẸMHỌN OSẸNOBULUA—JI IMAN-EMHIN NỌNSẸ HA SE ERIA ỌKHỌLE. BHA HA KI GHE ỌLE FO, WANNIẸN ENE INỌNTA NAN:
Bezẹle nin Neeta da nọọn iJane yọle: “Uwẹ zẹwẹ ria eria nyan ebi mhan zilo ọle ẹdẹnin?”
Be iNeeta rẹ rẹkpa iJane rẹ lẹn ghe, adia ne ribhi Baibo rẹman ghe Jehova mhọn oyẹẹ da ọle?
Ahamiẹn mhan ji iman-emhin nọnsẹmhan da sẹ ọkhọle ọsi eria, ọ ki re ọne ọhubhudu nin ele rẹ vae dọ ga iJehova
Be iNeeta rẹ rẹkpa iJane rẹ ria eria nyan ebi ọle ha rẹ re oyẹẹ nin ọle mhọn da iJehova man?