Ha Miẹn Urẹkpa ọsi Ibhio Mhan Ọbhi Egbe

Uwedẹ ọkpa nin Jehova rẹ rẹkpa mhan, ọle ibhio mhan bhi ẹkẹ agbotu. (1Pe 5:9) Ele dẹ sabọ rẹkpa mhan rẹ sabọ khọn ọnọghọ nin mhan miẹn bhi iwẹnna itẹmhọn Osẹnobulua miotọ. Bhi ọsi ijiẹmhin, Paul nin odibo wo miẹn urẹkpa bhi obọ ọsi Aquila bi Priscilla, Silas, Timothy, bi ẹbho nekẹle.​—Ac 18:​1-5.

Be ibhio mhan bhi agbotu ha rẹ sabọ rẹkpa mhan yẹ bhi iwẹnna itẹmhọn Osẹnobulua? Ele dẹ sabọ taman mhan ebi mhan ha lu sade mhan miẹn ọria nọn bha ho nin ọle ka mhan ehọ. Ele dẹ yẹ sabọ rẹkpa mhan rẹ ha mhọn afikie yo bi ene imhan ha man ele iBaibo. Re ọkhọle ria ẹmhọn obhio mhan bhi agbotu nọn ha sabọ rẹkpa uwẹ, uwẹ ha bu ọle nin ọle rẹkpa ẹ. Edandan iribhọ ghe ibha veva dẹ ko miẹn elele bhọ, sẹyẹ, bha ki ha ghọnghọn.​—Php 1:25.

GHE ỌNE IVIDIO NATIỌLE, EGHỌNGHỌN NAN MIẸN SADE A RE ẸBHO KIẸN EDIBO NESI JESU​—MIẸN URẸKPA NỌNSI JEHOVA ỌBHI EGBE​—IBHIO MHAN. BHA HA KI GHE ỌLE FO, WANNIẸN ENE INỌNTA NAN:

• 

  Be iNeeta rẹ dọnmhegbe rẹ tie iJane vae bhi ikolo oga yẹ?

• 

  Bezẹle nọn da khẹke nin mhan ha tie ibhio mhan bhi agbotu rẹkhan egbe sade mhan khian dọ man ọria iBaibo?

• 

  Emhin nela yẹẹ iJane nọn yẹ yẹẹ mama nin Abigay?

• Be hi uwedẹ nan rẹ tẹmhọn Osẹnobulua nọnsẹn nin ibhio mhan ha sabọ man uwẹ le?