EMHIN NE GHANLẸN NE RIBHI BAIBO

Re Ọkhọle Rebhe Rẹ Sun Rẹkhan IJehova

Caleb da re egbe obhokhan rẹ re ọkhọle rebhe rẹ sun rẹkhan iJehova (Jos 14:7, 8)

Ẹghe nin Caleb ki rẹ wanre, ọle da mun udu nyan iJehova nọn rẹkpa ọle rẹ sabọ lu iwẹnna nọn kakale nan mun nanlẹn lu (Jos 14:10-12; w04 12/1 12 ¶2)

Caleb da miẹn ihaosa bhi oga nin ọle re ọkhọle rebhe re nin Jehova (Jos 14:13, 14; w06 10/1 18 ¶11)

Ifoto: Obhio mhan nin okhuo nọn ki ne idọmanlẹn dan. 1. Ọle de uhọnmhọn re mun ukpokpo mhọnlẹn beji ọle rẹ dotua ha nan erọnmhọn. 2. Ọle bi obhio mhan nin obhokhan okhuo ko ribhi itẹmhọn Osẹnobulua nan da re ebe wa. 3. Ọle re ifoto kẹkẹ man ibhokhan eso ne ribhi agbotu nọnsele. 4. Ọle wo ghọnghọn.

Urẹọbhọ nọnsi Caleb da wo ha tuẹn okhun beji ọle rẹ ha re obọ rẹkhan adia nọnsi Jehova yẹ miẹn erọnmhọn bhi obọ ọle. Iriọ yẹ imhan ẹlẹnan. Beji mhan rẹ miẹn ewanniẹn rẹji erọnmhọn nọnsẹmhan, yẹ daghe ebi Jehova rẹ dia mhan yẹ, mhan ki wo ha miẹn ahu rẹ ha lu re alo bhi oga nọnsi Jehova.—1Jo 5:14, 15.