Emhin Kẹkẹ Nan Ha Sabọ Zilo Nyan bhi Ikolo Nan Rẹ Muegbe Iwẹnna Itẹmhọn Osẹnobulua

Ikolo nan do rẹ muegbe inẹbho yẹ diabe ikolo oga nekẹle. Jehova re ene ikolo nan kẹkẹ rẹ rẹkpa mhan nin mhan da sabọ rẹkpa ibo mhan ha mhọn ọtibhọ rẹ ha re ahoẹmhọn-egbe man, yẹ lu iwẹnna esili. (Heb 10:​24, 25) Ihuẹnlo isẹn rẹ sẹbhi ihinlọn, ọle ọne ikolo nan ha bue sẹ. Ọne ẹghe nan a ha rẹ mhanmhan ẹbho ọbhi usun kẹkẹ, man ele eji ele ha da wẹnna, yẹ nan erọnmhọn. (Ọne ikolo nan ha rẹkhan ikolo ọbhebhe, ọ ida tan sẹ iriọ.) Ọnọn ha sun ọne ikolo nan dẹ mhanmhan ebe ha rẹkpa ọrebhe bhi inẹbho ẹdẹnin bhi otọ. Bhi ọsi ijiẹmhin, ẹdẹ iSaturday nan miẹn ghe ẹbho ne bunbun ne vae bhi ọne ikolo bha sẹ yo inẹbho rẹ nabhi uzana nọn gbera ha vade, ọkhẹke nin ọnọn sun ọne ikolo zilo nyan ebi mhan ha sabọ taman ene imhan miẹn bhi inẹbho. Be hi uhọnmhọn-ọta nekẹle nin mhan ha sabọ zilo nyan?

• “Ebi Uwẹ Ha Sabọ Ta” nọn ribhi Ebe ọsi Ikolo Unyẹnmhin bi Iwẹnna Oga Nọnsẹmhan

• Ebi mhan ha rẹ sabọ noo emhin ne sunu la ebi a tale bhi niuz rẹ ne ẹbho zilo yẹ

• Ebi mhan ha rẹ re ewanniẹn nin ọria yẹ nọn ta emhin nin ẹbho kẹ ta sade ele bha ho nin ele ka mhan ehọ

• Ebi mhan ha rẹ sabọ ne ẹbho kẹkẹ zilo yẹ, bọsi, ene yọle ghe Osẹnobulua iribhọ, ene yọle ghe emhin ne nyẹnlẹn tobele vae, ene zẹ urolo ọbhebhe, bi ene ribhi oga nin ẹbho ikẹ deba bhi idunmhun nin mhan da tẹmhọn Osẹnobulua

• Ebi a rẹ noo emhin eso ne ribhi jw.org yẹ, JW Library^® app, la Baibo

• Ebi a rẹ noo ọkpa bhi Emhin Kpataki Nin Mhan Rẹ Lu Iwẹnna Itẹmhọn Osẹnobulua yẹ

• Ebi mhan ha rẹ sabọ ha lu iwẹnna itẹmhọn Osẹnobulua yẹ bhi uwedẹ kẹkẹ, bọsi, ọne a re ilẹta la foni lu, ọne a da re ebe waa, afikie yo, la iman-emhin Baibo

• Emhin eso rẹji ebi mhan ha rẹ ha gbega egbe yẹ, ebi mhan ha rẹ ha fi ọta denọ bhi inẹbho yẹ, ebi mhan ha rẹ ha mun ekpẹn ọbhi egbe yẹ, ebi mhan ha rẹ ha re eghọnghọn man yẹ sade mhan tẹmhọn Osẹnobulua, la emhin ne dia iriọ

• Iluẹmhin ọkpa la ividio bhi brokiọ natiọle Manman Guẹ Ebe Nan Tie Bi Iman-emhin

• Ebi mhan ha rẹ sabọ re izebhudu bi urẹkpa nin ọria nin mhan ko ribhi inẹbho

• Baibo nin mhan ha sabọ tie bhi inẹbho, la okha ọsi iwẹnna itẹmhọn Osẹnobulua nọn ha sabọ rẹkpa mhan