Elasẹre—Bha Ha Tan Ọkhọle a Man Ene Biẹ Bha

Bezẹle nọn da khẹke nin uwẹ ha tan ọkhọle a man ene biẹ uwẹ? (Pr 23:26) Ranmhude, Jehova hi ọnọn mun ọne ẹsọn nin ele rẹ ha gbẹloghe uwẹ yẹ dia uwẹ. (Ps 127:3, 4) Ọ dẹ nọghọ ele rẹ rẹkpa uwẹ sade uwẹ re ebe kpokpo uwẹ bhi ọkhọle he nin ele. Sẹyẹ, uwẹ ida miẹn emhin luẹ bhi ebe sẹ sunu ji ele bhi iẹnlẹn. Emhin ebe be nọn sade ọ iyi emhin rebhe uwẹ taman ele? Eye, sokpan hẹi bha ohoghe man ele.—Pr 3:32.

Be uwẹ ha rẹ sabọ ne ene biẹ uwẹ talọ yẹ? Zẹ ẹghe nọn mhẹn nẹ nin uwẹ bi ele ha rẹ ko talọ. Ahamiẹn ọ dẹ nọghọ uwẹ rẹ lu iriọ, uwẹ dẹ sabọ gbẹn ilẹta ji ọkpa bhi ẹwẹ ele rẹ taman ọlẹn ebe ri uwẹ bhi ọkhọle. Ahakimiẹn ghe, ele guanọ nin bha ko zilo nyan ẹmhọn nọn bha yẹẹ uwẹ rẹ zilo ọle kii? Yere ghe, ele gene guanọ nin ele rẹkpa uwẹ. Ha ghe ene biẹ uwẹ bii imọẹ, ọ iyi eghian. Ahamiẹn ghe uwẹ dọnmhegbe rẹ tan ọkhọle a man ene biẹ uwẹ, uwẹ ki miẹn elele nọn ha nabhọre bhi ẹdagbọn iẹnlẹn nọnsẹ rebhe, rẹ sẹbhi ighegheghe!—Pr 4:10-12.

GHE ỌNE IVIDIO NATIỌLE, ẸGHE USẸN—BE IMẸN HA RẸ SABỌ NE ENE BIẸ MẸN TALỌ YẸ? BHA HA KI GHE ỌLE FO, WANNIẸN ENE INỌNTA NAN:

• 

  Be Esther bi Partik ki dọ lẹn rẹji egbe ele?

• 

  Be uwẹ ha sabọ miẹn luẹ bhi ijiẹmhin ọsi Jesu?

• 

  Be ene biẹ uwẹ sẹ rẹ rẹman uwẹ yẹ ghe ele hoẹmhọn uwẹ?

• 

  Adia nela bhi Baibo ha rẹkpa uwẹ lẹn ebi uwẹ ha rẹ ha ne ene biẹ uwẹ talọ yẹ?