Ebi Mhan Miẹn Luẹ bhi Iẹnlẹn Nọnsi Samuel

Samuel wo re ẹdagbọn nọnsọle rebhe ga iJehova nọnsẹn. Ẹghe nin ọle rẹ ha yi obhokhan, ọle bha ji Hophni bi Phinehas, nin imọn nesi Eli sua ọle ọbhi emhin ebe. (1Sa 2:22-26) Ẹghe nin Samuel ki rẹ ha wanre, Jehova da wo deba ọle. (1Sa 3:19) Ẹghe nin ọle ki rẹ dọmanlẹn, ọle da yẹ wo ha sun rẹkhan iJehova, arẹmiẹn imọn nesọle bha lu iriọ.—1Sa 8:1-5.

Be imhan ha sabọ miẹn luẹ bhi ijiẹmhin ọsi Samuel? Ahamiẹn ghe ọlasẹre uwẹ khin, lẹn sẹbhọ ghe Jehova lẹn ọnọghọ nin uwẹ kuẹlo da bi ebi ọ dia uwẹ yẹ bhi egbe. Ọle dẹ sabọ rẹkpa uwẹ rẹ ha mhọn izebhudu. (Isa 41:10, 13) Ebiọmọn, ahamiẹn ghe, ọmọn nọnsẹbha de sibhi oga re, ọ dẹ sabọ ko ibha udu re rẹ lẹn ghe, Samuel bha sabọ sua imọn nesọle ne wanre rẹ ha re obọ rẹkhan uhi nesi Jehova. Ọle da zẹ ọne ẹmhọn obọ nin Jehova. Sẹyẹ, ọle da ha sun rẹkhan iJehova nin Aba ọle yẹ lu ebe yẹẹ ọle. Asabọmiẹn ghe, ijiẹmhin esili nin bha rẹman dẹ sabọ re ọmọn nọnsẹbha kie bu iJehova re.

GHE ỌNE IVIDIO NATIỌLE, LUẸ EMHIN BHI OBỌ ELE—SAMUEL. BHA HA KI GHE ỌLE FO, WANNIẸN ENE INỌNTA NAN:

• 

  Be iSamuel rẹ re izebhudu man yẹ ẹghe nin ọle rẹ ribhi obhokhan?

• 

  Be Danny rẹ re izebhudu man yẹ?

• 

  Be iSamuel rẹ re ijiẹmhin esili man yẹ bhi ẹghe nin ọle rẹ dọmanlẹn?

• 

  Be ene biẹ iDanny rẹ re ijiẹmhin esili man yẹ?