Rẹkpa Ene Uwẹ Man Ele IBaibo Rẹ Rẹban Ikolu Ne Imhẹn

Ọkhẹke nin ene imhan man ele iBaibo zẹ ikolu ne mhẹn, nin ele da sabọ kiẹn imọẹ iJehova. (Ps 15:1, 4) Ikolu ne mhẹn dẹ rẹkpa ele rẹ ha lu ebe gbale.—Pr 13:20; lff iluẹmhin 48.

Ha re ifuẹkẹ man ene uwẹ man ele iBaibo sade uwẹ rẹkpa ele rẹ ha rẹban ikolu ne imhẹn. Ọ sabọ rẹ ha nọghọ ele rẹ zẹ imọẹ nesele ne iga iJehova obọ. Bhi ẹdẹ nin ibha bha rẹ luẹ iBaibo, sẹyẹ rẹman ele ghe ẹmhọn ele rẹtẹ uwẹ. Uwẹ dẹ sabọ gbẹn ebe ji ele, tie ele bhi foni, la rẹnẹ ji ele. Ele ha ki ha lu re alo, uwẹ dẹ sabọ tie ele nin bha ko dọ deba Esali Jehova nekẹle gbẹghe. Bhiriọ, ele ki daghe ọle ghe, elele nin ele miẹn nian mhẹn gbera ebi ele fikeke gbe. (Mr 10:29, 30) Uwẹ ki yẹ ha ghọnghọn beji azagba-uwa nọnsi Jehova ki rẹ bun ọbhọ.

GHE ỌNE IVIDIO NATIỌLE, RẸKPA ENE UWẸ MAN ELE IBAIBO RẸ RẸBAN IKOLU NE IMHẸN. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Be hi ikolu ne imhẹn?—1Co 15:33

• Be iJane rẹ ha riale ghe ikolo oga ọsi Esali Jehova dia yẹ?

• Be iNeeta rẹ rẹkpa iJane rẹ ha mhọn ikolu ne mhẹn, sẹyẹ rẹban ikolu ne imhẹn yẹ?