Ebi A Rẹ Noo Obọ Natiọle “Ebi Uwẹ Ha Sabọ Ta” Yẹ

Agbotu wo wẹnna kaka rẹ mhanmhan ebi a ne ọbhi “Ebi Uwẹ Ha Sabọ Ta.” Ibhio mhan ne bunbun wo noo ọne obọ ọle nan bhi itẹmhọn Osẹnobulua. Ọkpakinọn, beji a miẹn ghe idia kẹkẹ a miẹn bhi ije kẹkẹ, ọria dẹ sabọ fi ọne ọta denọ nọn diẹn mun idia ọsi ẹbho bhi agbaẹbho nin ọle da tẹmhọn Osẹnobulua. Sokpan, ọkhẹke nin ọrebhe re obọ rẹkhan adia nọn hi ki rẹ khin rẹji itẹmhọn Osẹnobulua kpataki. Mhan guanọ nin mhan lu iwẹnna nan rẹ tẹmhọn Agbejele nin Jesu mun nin mhan lu sotọ.​—Mt 24:14.

A ha re arẹman nin ọria lu bhi ikolo oga, ọkhẹke nin ọle lu ọle rẹkhan beji ọ rẹ ribhi “Ebi Uwẹ Ha Sabọ Ta” bhi Ebe ọsi Ikolo Unyẹnmhin bi Iwẹnna Oga Nọnsẹmhan. Ọle dẹ sabọ fi inọnta, eji ọle ha tie bhi Baibo, la ebi ọle ha kie zilo nyan denọ nọn diẹn mun idia nin ọle da ke ọria re bhi agbaẹbho nọnsọle. Sokpan ọle ida fi ọle denọ sade a yọle nan hẹi lu iriọ. Ọne adia nan mhan rẹ fi ebi mhan rẹ ka ta denọ nọn ribhi apapale 8 bhi ebe ọsi ikolo ọsi June 2020.