EMHIN NE GHANLẸN NE RIBHI BAIBO

Re Ẹwanlẹn Zẹ Ọdọ Nin Uwẹ Ha Bọ La Okhuo Nin Uwẹ Ha Re

Solomọn bha zẹ nọnsẹn, ọle da re ikhuo ne ga ẹbọ bhi amhẹn (1Ki 11:1, 2; w18.07 18 ¶7)

Ene ikhuo da fẹkẹ denọ ọkhọle ọsi Solomọn sibhi oga nọnsi Jehova re (1Ki 11:3-6; w19.01 15 ¶6)

Ẹkẹ Solomọn da ha khọ Jehova (1Ki 11:9, 10; w18.07 19 ¶9)

Ifoto: Obhio mhan nin okhuo nọn bha sẹ bọ ọdọ luẹ Baibo. Ọle yẹ ria ẹmhọn obhio mhan nin okpea nọn bha sẹ re okhuo. 1. Ọne obhio mhan nin okpea re ewanniẹn ọbhi inọnta bhi ikolo oga. 2. Ọle lu iwẹnna itẹmhọn Osẹnobulua nan da re ebe wa. 3. Ọle deba wẹnna bhi Kindọn Họọ.

Baibo yọle ghe, ẹkẹ agbotu, ọle ọkpa Kristiẹn ha da bọ ọdọ la re okhuo. (1Co 7:39) Ọria mianmẹn fo bha rẹman ghe ọle dẹ ha yi ọdọ la amhẹn nọn mhẹn. Ọne ọria dẹ be sabọ rẹkpa uwẹ rẹ ha re ọkhọle rebhe ga Jehova? Ọne ọria be rẹman ghe ọle mhọn oyẹẹ nọn dinmhin da Jehova bhi ẹgheso ne gbera nian? Ọkuẹsẹ bha re obọ ọbhi ibọdọ bi ireokhuo, lẹn otọ ọne ọria nọnsẹn.