UNYẸNMHIN NỌN KHẸKE ENE RẸKHAN IJESU
Ha Ghe Egbe Uwẹ bhi Uwedẹ Nin Jehova Rẹ Ghe Uwẹ
“Jehova ji ẹmhọn ẹbho nesọle da rẹtẹ ọle.” (Ps 149:4) Arẹmiẹn ọ bha gba nin mhan, ọle daghe ikpẹ esili nin mhan mhọnlẹn bi ebi mhan ha sabọ lu. Ẹgheso, ọ nọghọ mhan rẹ re ẹlo nọn sẹriọ ha ghe egbe mhan. Mhan sabọ rẹ ha riale ghe, mhan bha sẹ emhin soso ranmhude uwedẹ nin ẹbho rẹ ne mhan lu emhin. La a sabọ yẹ miẹn ghe, ranmhude idobọ nesẹmhan bhi ẹghe nọn gbera, mhan riale ghe Jehova bha hoẹmhọn mhan. Be ha sabọ rẹkpa mhan sade mhan mhọn iria-eria nọn dia iriọ?
Yere ghe, Jehova daghe ebi eria isabọ daghe. (1Sa 16:7) Ọnan rẹman ghe, ọle daghe emhin nin mhan isabọ daghe bhi egbe nọnsẹmhan. Ọ wo ti mhan bhọ ghe, Baibo rẹkpa mhan rẹ lẹn ebi Jehova ghe mhan yẹ. Mhan dẹ sabọ lẹn ebi Jehova ghe mhan yẹ sade mhan tie okha bhi ẹkẹ Baibo ne rẹman ebi Jehova rẹ hoẹmhọn ẹbho ne ga ọle yẹ.
GHE ỌNE IVIDIO NATIỌLE RẸỌBHỌ GHE JEHOVA RE ẸLO ESILI GHE UWẸ. BHA HA KI GHE ỌLE FO, WANNIẸN ENE INỌNTA NAN:
Be ijiẹmhin ọsi ọne ọria nọn runẹ bi aba ọle man mhan le rẹji ebi Jehova ghe mhan yẹ?
Ahamiẹn ọria nọn lu olukhọ nọn manman kaka lu emhin ne khẹke rẹ dia ikolu nin ọle bi Jehova ko mhọnlẹn, be ọle ha rẹ sabọ ziẹn ọkhọle nọnsọle ghe, Jehova re ẹlo esili ghe ọle?—1Jo 3:19, 20
Elele nela ọne obhio mhan miẹn bhọ beji ọle ki rẹ tie okha ọsi Devid bi Jehoshafat yẹ ria eria nyan ọlẹn?