Uwẹ Be Noo Baibo Nan Kaehọ Ọle?

Be bhọ hi Baibo nan kaehọ ọle? Ọle hi rẹkọdi ọsi Baibo natiọle New World Translation nan kie gbẹn. A fẹkẹ re ọle dagbare khere khere bhi urolo ne bunbun. Ọkpa bhi emhin ne ribhọ hi, uru kẹkẹ a noo rẹ rẹkọdi ẹbho kẹkẹ ne ribhi Baibo. Uru nọn khẹke a rẹ tie ẹmhọn ne ribhi ẹkẹ Baibo beji a ha da miẹn ghe, uhọnmhunje nọn ribhọ ki dagbare nọnsẹn.

Elele nela ẹbho eso sẹ miẹn bhi Baibo nan kaehọ ọle? Ẹbho ne bunbun ne kaehọ Baibo nan rẹkọdi ẹghe-ẹghe yọle ghe, ele a ha kaehọ ọle, ọ ki diabe ghe ọne emhin wo sunu bhi isira ele. Ele yọle ghe beji ele rẹ họn uru kẹkẹ ọsi eria kẹkẹ ne ribhi Baibo, ọ ki wo diabe ghe, ele daghe ebi ọne okha rẹ sunu yẹ. Bhiriọ, ọ rẹkpa ele rẹ manman lẹn otọ ebi a gbẹn ọbhi Baibo. (Pr 4:5) Ẹbho ne bunbun yọle ghe, Baibo nan kaehọ le rẹ ọkhọle nọnsele lọre sade emhin kpokpo ele.—Ps 94:19.

Mhan ha họn Ọta nọnsi Osẹnobulua nan tie dagbare, ọ dẹ sabọ rẹso uwedẹ iẹnlẹn nọnsẹmhan. (2Ch 34:19-21) Ahamiẹn ghe Baibo nan kaehọ ọle ribhi urolo nin uwẹ họn hiehie, wowo, ha noo ọle ẹghe-ẹghe sade uwẹ lu iluẹmhin Baibo nọnsẹ.

GHE ỌNE IVIDIO NATIỌLE EBI A RẸ HA LU BAIBO NAN KAEHỌ ỌLE YẸ—UKPỌKHERE. BHA HA KI GHE ỌLE FO, WANNIẸN ỌNE INỌNTA NAN:

Be manman ti uwẹ bhọ bhi uwedẹ nan rẹ lu Baibo nan kaehọ ọle?