Uwẹ Dẹ Sabọ Deba Ha Tuẹn Eghọnghọn Nọn Ribhi Azagba-uwa Nọnsẹ Okhun

Jehova guanọ nin azagba-uwa ha ghọnghọn. (Ps 127:3-5; Ec 9:9; 11:9) Ọkpakinọn, ọkakale ọsi ọne agbọn nan bi idobọ nesi ene ribhi azagba-uwa nọnsẹmhẹn dẹ sabọ re ọle miẹn ghe mhan bha yẹ ha ghọnghọn ẹgheso. Be ọdeọde ha sabọ lu rẹ ha tuẹn eghọnghọn nọn ribhi ẹkẹ azagba-uwa nọnsọle okhun?

Ọkhẹke nin ọdọ ha re obọ ekpẹn mun okhuo ọle. (1Pe 3:7) Ọle ki ha deba okhuo ọle gbẹghe. Ọle ida ha khẹ nin okhuo ọle lu emhin nin ọle ida sabọ lu, sokpan ọle ki ha khuẹnmhẹn ọlẹn bhi emhin nin ọle lu nanlẹn bi azagba-uwa nọnsele. (Col 3:15) Ọle ki ha taman okhuo ọle ghe ọle hoẹmhọn ọlẹn, sẹyẹ, ọle ki ha gẹn ọlẹn.—Pr 31:28, 31.

Ọkhẹke nin okhuo ha guanọ uwedẹ nin ọle ha rẹ ha rẹkpa ọdọ ọle. (Pr 31:12) Ọle ki ha degbere nin ọdọ ọle yẹ re obọ ọbhi emhanmhan nesọle. (Col 3:18) Ọle ki ha re ekpẹn ne ọdọ ọle talọ yẹ re ekpẹn tẹmhọn ọlẹn man ẹbho.—Pr 31:26.

Ọkhẹke nin enebiọmọn ha deba imọn nesele gbẹghe. (De 6:6, 7) Ele ki ha taman imọn nesele ghe ele hoẹmhọn ele. (Mt 3:17) Ele ki ha re oyẹẹ bi ẹwanlẹn re adia nin imọn nesele.—Eph 6:4.

Ọkhẹke nin imọn ha mun ekpẹn nin ene biẹ ele yẹ hẹnmhọn nin ele. (Pr 23:22) Ele ki ha ji ene biẹ ele lẹn ebi ele ria bhi ọkhọle bi ebi emhin dia ele yẹ bhi egbe. Ele ki ha miẹn adia nin ene biẹ ele re nin ele ọbhi egbe yẹ mun ekpẹn nin ele.—Pr 19:20.

GHE ỌNE IVIDIO NATIỌLE HA KHU ỌBHI EBE HA RE EGHỌNGHỌN RE BHI AZAGBA-UWA NỌNSẸ. BHA HA KI GHE ỌLE FO, WANNIẸN ỌNE INỌNTA NAN:

• Be ọdeọde bhi ẹwẹ ele lu rẹ tuẹn eghọnghọn nọn ribhi azagba-uwa nọnsele okhun?