Emhanmhan Nela Uwẹ Ha Khu Ọi bhi Ukpe Iwẹnna Oga Nọn Vade?

Emhanmhan nin mhan ha sabọ khu ọi bhi ẹkẹ oga hi, emhin nọn hi ki rẹ khin nin mhan ha sabọ lu rẹ ga Jehova nọnsẹn yẹ re ọle ha ghọnghọn. Ene emhin nan rẹkpa mhan rẹ ha wanre bhi uwedẹ oriọn. Ọ dẹ khẹke nin mhan noo ẹghe bi ahu nọnsẹmhan rẹ lu ọle. (1Ti 4:15) Bezẹle nọn da khẹke nin mhan ha fẹ emhanmhan nesẹmhan ẹghe-ẹghe? Ranmhude, idia nin mhan ye sabọ fidenọ. Asabọmiẹn ghe, emhanmhan nin mhan ka mhọnlẹn khẹ, mhan ida yẹ sabọ mun ọlẹn sẹ. La ọne imhan ka mhọnlẹn khẹ, mhan mun ọlẹn sẹ fo, bhiriọ mhan guanọ nin mhan khu ọbhi ọbhebhe.

A ha la nabhi ukpe iwẹnna oga ọsọgbọn, ọle ọ da khẹke nin mhan ha fẹ emhanmhan nesẹmhan ghe. Bha dẹ sabọ noo ẹghe nin bha ha rẹ ha lu oga azagba-uwa rẹ zilo nyan emhanmhan nin ọdeọde ha sabọ munsẹ bi ọne azagba-uwa nọnsẹbha ha sabọ ko khu ọi.

Emhanmhan nela uwẹ mhọn rẹji emhin ne ribhi otọ ọne ifoto nan? Emhin kẹkẹ nela uwẹ ha lu nin uwẹ rẹ sabọ mun ele sẹ?