Emhin Nin Mhan Ha Sabọ Noo Rẹ Lu Iluẹmhin Baibo Nọnsẹmhan La Oga Azagba-uwa

Ọ i yi ẹghe nin mhan rẹ deba ibhio mhan si egbe koko bhi ikolo oga bi usikoko nesẹmhan ọkpa mhan da ga Jehova. Ọkpakinọn ọdeọde bhi ẹwẹ mhan yẹ tobọle lu iriọ, sẹyẹ mhan lu ọle bọsi azagba-uwa. Fẹ ene emhin nan ghe nin uwẹ ha sabọ noo bhi iluẹmhin Baibo nọnsẹ la bhi oga azagba-uwa:

• Muegbe ikolo oga ọbhi otọ. Uwẹ sabọ rẹ luẹ ene illo nan ha so ọbhi otọ, yẹ rẹkpa ọrebhe bhi azagba-uwa nọnsẹ rẹ muegbe ewanniẹn ọbhi otọ.

• Uwẹ sabọ rẹ tie okha ọkpa bhi Baibo. Uwẹ ha lu iriọ fo, uwẹ sabọ rẹ drọ ifoto ọsi ebe sunu bhi eji uwẹ tie, la gbẹn ebi uwẹ luẹle ọbhi otọ.

• Uwẹ sabọ rẹ dọ tie ẹmhọn erọnmhọn ọsi ọria ọkpa bhi Baibo yẹ ria eria nyan ebi ọne erọnmhọn ha rẹ sabọ rẹkpa uwẹ yẹ, beji erọnmhọn nọnsẹ ha da manman ha mhẹn ọbhọ.

• Uwẹ sabọ rẹ dọ ghe ividio nesẹmhan yẹ taman ẹbho ebi uwẹ luẹ bhọ, la gbẹn ebi uwẹ luẹ bhọ ọbhi otọ.

• Muegbe inẹbho ọbhi otọ. Azagba-uwa sabọ rẹ ko muegbe ebi ele ha rẹ ne ọria zilo yẹ sade ele dagbare bhi inẹbho.

• Ha gbẹlokotọ bhi ene emhin nin Jehova manlẹn, uwẹ ha yẹ ha ria eria nyan ele. Ria eria nyan ebi ene emhin man uwẹ le rẹji Jehova.a