“[Jehova] Da Wo . . . Ha Rẹhunmhan Olukhọ Nan Lu Bhi Ẹghe Nọn Gbera”

Izọese nọnsi Jesu ọkpa ha sabọ zẹ Jehova rẹhunmhan emhin ebe nesẹmhan. (Ẹfẹ. 1:7) Ọrẹyiriọ, ọkuẹsẹ Jesu re iẹnlẹn nọnsọle rẹ zọese nin mhan, Baibo bhọ da yọle: “[Jehova] da wo re iziẹngbe ha rẹhunmhan olukhọ nan lu bhi ẹghe nọn gbera.” (Rom 3:25.) Be Jehova rẹ sabọ ha rẹhunmhan olukhọ ọsi eria yẹ ọkuẹsẹ Jesu yu, yẹ ha yi Osẹ nọn lu emhin bhi uwedẹ nọn gbale?

Bhi ẹlo nọnsi Jehova, inian ọ diabe a zọese ọbhi olukhọ ọsi eria fo bhi ọne ẹghe nin ọle rẹ ve ghe, ọle dẹ zẹ “ọmọn” egbe dagbare nọn da miẹn eria fan ne mhọn urẹọbhọ da ọle. (Gen. 3:15; 22:18) Osẹnobulua lẹnmhin ghe, ẹghe nin ọle rẹyi ha sẹ, ukpọmọn ọkpa sẹsẹ nọnsọle dẹ re iẹnlẹn nọnsọle rẹ zọese bhi olukhọ ọsi eria. (Gal. 4:4; Hib. 10:​7-10) Ẹghe nin Jesu rẹ ha ribhi ọne otọ nan, Jehova da re ọne ahu nanlẹn rẹ sabọ ha rẹhunmhan emhin ebe ọsi ẹbho ọkuẹsẹ ọle re iẹnlẹn nọnsọle re zọese nin eria. Ọle da sabọ ha rẹhunmhan ẹbho ne mhọn urẹọbhọ da ọle, ranmhude ọle lẹnmhin ghe izọese nin ọle da re iẹnlẹn nọnsọle lu bhi ẹghe odalo dẹ gue olukhọ nọnsele.—Mat. 9:​2-6.