Inọnta Nin Baibo Re Ewanniẹn Ọi / Iẹnlẹn bi Uu / Be Imhan Dọ Lu bhi Agbọn?

Ewanniẹn nin Baibo re ọbhọ

A dẹ sabọ nọọn ọne inọnta nan bhi uwedẹ kẹkẹ, bọsi Bezẹle nin mhan da ribhọ? la Emhin be ribhọ nọn zẹle nan da man imẹn? Baibo rẹman ghe, ebezẹle nan da man mhan hi nin mhan rẹ deba Osẹnobulua ha mhọn ikolu. Fẹ ẹmhọanta eso ghe nin Baibo re otọle man bhi ọne ẹmhọn nan.

Osẹnobulua hi ọnọn man mhan. Baibo yọle ghe, Osẹnobulua man mhan, ọ iyi mhan man egbe mhan.—Psalm 100:3; Revelation 4:11.
Emhin ribhọ nọn zẹle nin Osẹnobulua da man emhin rebhe nin ọle manlẹn, rẹsẹbhi mhan nin eria.—Isaiah 45:18.
Osẹnobulua man mhan bhi uwedẹ nin mhan ha rẹ ha “khu ọbhi emhin oriọn.” Ọkpa bhi ene emhin oriọn hi nin mhan rẹ lẹn ebi mhan dọ lu bhi agbọn. (Matthew 5:3) Ọle ho nin mhan lẹn ọnan.—Psalms 145:16.
Mhan ha deba Osẹnobulua ha mhọn ikolu, mhan ida yẹ ha zozo khian ba ẹmhọn emhin oriọn. Arẹmiẹn ẹbho eso bha rẹọbhọ ghe mhan dẹ sabọ ha yi ọmọẹ Osẹnobulua, Baibo yọle ghe uwẹ ha “sikẹ Osẹnobulua, ọle ki yẹ sikẹ ẹ.”—James 4:8; 2:23.
Nin mhan rẹ sabọ ha yi ọmọẹ Osẹnobulua, ọkhẹke nin mhan lu rẹkhan ebi ọle guanọ bhi obọ mhan. Baibo rẹman ebi Osẹnobulua guanọ bhi obọ mhan bhi Ecclesiastes 12:13, enin yọle: ‘Ha mun ofẹn Osẹnobulua, uwẹ ha yẹ re obọ rẹkhan uhi nesọle, ranmhude ọnan zẹle nan da man imhan.’—Good News Translation.
Bhi ẹghe odalo mhan dẹ manman sọnyẹnmhẹn bhi iho nọnsi Osẹnobulua rẹji eria, bhi ọne ẹghe nin ọle ha rẹ re ọkpẹnlẹn ọbhi iloya, yẹ re iẹnlẹn ọsi ighegheghe nin imọẹ ọle ne ga ọle.—Psalm 37:10, 11.