Ebi A Gbẹn bhi Otọle

b ỌTA NAN RE OTỌLE MAN NỌNSẸN: Mhan ribhi otọ ọfubhegbe ọsi oriọn sade mhan re okugbe ha ga Jehova. Bhi ọne otọ ọfubhegbe ọsi oriọn nan, Jehova man mhan emhin rebhe ne khẹke nin mhan lẹn, beji mhan ha da sabọ ha ga ọle bhi uwedẹ nan ha da miẹn ghe ohoghe nin oga kikẹ bha, bha rẹso mhan. Mhan yẹ wo miẹn eghọnghọn bhi ẹmhọn Agbejele nin mhan ta. Mhan deba Jehova mhọn ikolu nọn ziẹnlẹn. Sẹyẹ, mhan deba ibhio mhan nin mhan ko ga nyẹnlẹn bhi ọfure, ne rẹkpa mhan rẹ sabọ re eghọnhọn ziẹngbe ọnọghọ nin mhan kuẹlo da bhi iẹnlẹn. Mhan na ọbhi ọne otọ ọfubhegbe ọsi oriọn ẹghe nin mhan rẹ munhẹn ha ga Jehova bhi uwedẹ nin ọle guanọ, yẹ ha dọnmhegbe nin mhan rẹ re egbe khọkhọ ọle.