Elele Nin Mhan Miẹn bhi Ikolo Oga

1. Agbọn nin mhan ye nan wo ribh’ọbalọ;

Ẹbho ne bun wo bibi bhọ.

Ranmhud’ọnan ọkhẹke nin mhan rebhe

Ha mhọn ’ria nọn ha rẹ man khian.

Jehova h’Osẹ nọn ha sabọ sun mhan

Nin mhan hẹi ’fidọn bh’agbọn nan.

Ọle zẹle nọn da taman mhan rebhe

Nin mhan hẹi gbẹd’ikolo ’ga.

Mhan dẹ sabọ mi’urẹkpa bhi ’kolo ’ga

Nọn ha sabọ rẹ mhan deziẹn.

Sade man r’obọ rẹkhan uhi ’sọle,

Jehova ki ha sun mhan khian.

2. Jehova lẹn ebi mhan rebhe guanọ;

Ọkhẹke nan hẹnmhọn nanlẹn.

Ranmhud’ọnan bha ji mhan ha dọnmhegbe

Nin mhan hẹi gbẹd’ikolo ’ga.

Ene ’wanlẹn bh’agbotu, ne hoẹmhọn mhan,

Ele Jehova rẹ dia mhan.

Sade mhan situa ha re ’gbe khọkh’ele,

Mhan dẹ mundia nọnsẹn bh’oga.

Ibhio mhan nekẹle nin mhan hoẹmhọnlẹn,

Ele yẹ r’izebhudu mhan.

Mhan dẹ miẹn ’wanlẹn rẹ ha nyẹnlẹn nọnsẹn,

Si mhan bha gbẹd’ikolo ’ga.