Zilo Nyan Ebe Ha Ti Ọria Bhọ

Ijiẹmhin Ọsi Jesu

IVIDIO: Jesu Bi Ọne Okhuo Nọn Dọ Sa Amẹn Bhi Omin

1. Ghe ọne IVIDIO, la uwẹ ha tie Jọni 4:6-9. Uwẹ ha lu iriọ fo, re ewanniẹn ọbhi ene inọnta ne ribhi otọle.

1. Be Jesu daghe ọne okhuo lu, ọle kuẹ munhẹn ha nanlẹn talọ?

2. Jesu da yọle: “Sa amẹn nin mẹn wọn.” Bezẹle nin ọne uwedẹ nan nin Jesu rẹ munhẹn ne ọne okhuo ha zilo da wo mhẹn?

Be Imhan Luẹ Bhi Obọ Jesu?

2. Ahamiẹn mhan rẹ uhọnmhọn-ọta nọn ha ti ọria bhọ rẹ munhẹn nanlẹn ha zilo, ọle ọ ha da yẹẹ ọne ọria rẹ deba mhan zilo.

Ebi Mhan Ha Rẹ Re Egbe Khọkhọ Jesu Yẹ

3. Muegbe nin uwẹ rẹ fi ebi uwẹ ha ta denọ. Hẹi wo ha mhọn ọlẹn bhi ọkhọle ghe, ọta nin uwẹ mhanmhan bhi ọkhọle ọkpa uwẹ ha noo rẹ ne ọria zilo. Re ẹmhọn nin ẹbho ne bunbun mhọn bhi ọkhọle ọne ukpẹdẹ nin rẹ munhẹn. Nin uwẹ rẹ sabọ lu ọnan, nọọn egbe ẹ ene inọnta nan:

1. ‘Be bhọ a tẹmhọnlẹn bhi niuz?’

2. ‘Be bhọ idiake nesẹmhẹn, ene imhan ko wẹnna, la ene imhan ko ribhi klasi tẹmhọnlẹn?’

4. Ha gbẹlokotọ. Nọọn egbe ẹ ene inọnta nan:

1. ‘Be imẹn kere ọne ọria lu? Be bhọ ọle ha sabọ ha ria ẹmhọn ọlẹn?’

2. ‘Be ukpọn nin ọne ọria yọ, la ebi ọne ọria dia yẹ, la ebi uwa nọnsọle dia yẹ man mẹn le rẹji ebi ọle rẹọ, la eji ọle na vae?’

3. ‘Ọne ẹghe nan dẹ be ha mhẹn nin mẹn rẹ ne ọne ọria nan zilo?’

5. Ha kaehọ.

1. Hẹi ha talọ gbe.

2. Ha re ẹghe nin ọne ọria rẹ ta ebe ri ọle bhi ọkhọle. Ha nọọn ọlẹn ọta bhi ẹghe nọn rẹ khẹke.