Bha Ha Re Izebhudu Nin Egbe

1. Ọbalọ nọn ribh’ọn’agbọn nan,

Dẹ sabọ re ’gbe lọlọ mhan.

Ọnan zẹ mhan guan’izebhudu,

Nin mhan da sabọ ga sotọ.

Mhan mhọn ibhio mhan ne nẹga mhan,

Ẹbho ne gene hoẹmhọn mhan,

Ele wo r’izebhudu nin mhan,

Nin mhan da sabọ ga sotọ.

2. Ọt’esili n’ele taman mhan,

E rẹ r’ikoudure nin mhan.

Mhan ha mi’emhin nọn re ’gbe lọ mhan,

Ele dẹ runẹ bu mhan re.

Oyẹẹ nin mhan mhọn bh’agbotu mhan,

A imiọnlẹn bhi ’je ’bhebhe.

Ọnan rẹkpa mhan rẹ ha ga khian

Bh’agbọn nọn kaka nin mhan ye.

3. Bh’ẹghe ọkpẹnlẹn nin mhan ye nan,

Emhin dẹ wo kaka mun mhan.

Mhan lẹn emhin dẹ kẹ fidenọ;

Jehova dẹ kẹ hinmhin mhan.

Rẹ s’ọn’ẹghe n’Osẹ ve nin mhan,

Bha ji mhan r’iyobọ n’egbe.

Bha ji mhan r’izebhudu n’egbe

Nin mhan da sabọ ga sotọ.