Guẹ Ebarẹ Lu Iwẹnna Itẹmhọn Osẹnobulua Yẹ—Ha Tie Ẹbho Ne Vae bhi Ikolo Oga

EBEZẸLE NỌN DA KHẸKE: Ikolo oga nesẹmhan re isẹhoa mhan rẹ ‘so illo ji Jehova’ bi nin mhan rẹ ‘gẹn ọlẹn.’ (Ps 149:1) Bhi ene ikolo oga nan, ele ada man mhan ebi mhan arẹ lu iho nọnsi Jehova yẹ. (Ps 143:10) Ẹbho ne ka mhan ehọ bi eria nin mhan man ele iBaibo ha muhẹn ha vae bhi ikolo oga, ọki rẹkpa ele rẹ ha wanre bhi ilẹnmhin, yẹ rẹ ha lu rẹkhan ebi ele luẹ.

EBARẸ LUỌLE YẸ:

• Kẹ tie ele ne vae bhi ikolo oga. Aha rẹmiẹn ibha bha sẹ mun iluẹmhin iBaibo ke, uwẹ sabọ tie ọne ọria nọn vae bhi ikolo oga.​—Re 22:17

• 

  Taman ọne ọria nuwẹ tie vae bhi ikolo oga, eba da luẹ bhi ikolo oga nọn vade bi ebọle ha daghe bhi enin. Ene emhin nan dẹ sabọ rẹkpa ẹ rẹ tie ọria vae bhi ikolo oga: ebe nan rẹ tie ẹbho vae bhi ikolo oga, ọne vidio Be Sunu Bhi Kindọn Họọ?, bi iluẹmhin 5 bi 7 ọsi ọne brokiọ He Bhọ Lu Iho Nọnsi Jehova Ẹlẹnan?

• 

  Miẹnkpa ọne ọria. Uwẹ sabọ rẹkpa ọle rẹ sẹbhi enin, la uwẹ nọnle zẹ ukpọn nọn mhẹn nọnle ha yọ. Dotua sikẹ ọle, nuwẹ ha re ebe nan noo bhi ikolo oga man lẹn. Re ọle tuẹ ibhiomhan bhi ikolo oga