‘Ghe Mhẹn bhi Enan! Je Mhẹn!’

Ọkhọle nan rẹ zegbere nin Isaiah ha mhọn sẹ eba re egbe khọkhọ. Arẹmiẹn ghe ọle bha lẹn emhin rebhe nan tẹmhọnlẹn, ọle da rẹman ghe ọle mhọn urẹọbhọ nin ọle rẹ re ẹjẹje ze egbe re. (Isa 6:⁠8) Uwẹ dẹ sabọ mhanmhan iẹnlẹn nọnsẹ nin uwẹ da sabọ diọ bhi eje abha sẹ da manman tẹmhọn Osẹnobulua? (Ps 110:⁠3) Bhi ọsi ẹmhọn-ata, ọkhẹke nin uwẹ ‘riale nọnsẹn’ fo ọkuẹsẹ uwẹ kpanọ diọ bhi eje sẹriọ. (Lu 14:​27, 28) Ọrẹyiriọ, muegbe nin uwẹ rẹ zẹ emhin eso obọ ranmhude iwẹnna itẹmhọn Osẹnobulua. (Mt 8:20; Mr 10:​28-30) Beji a rẹman bhi ọne ividio natiọle Itẹmhọn Osẹnobulua bhi Eje Abha Sẹ Da Manman Tale, elele nin mhan miẹn bhi oga nọnsi Jehova gbera emhin nọn irẹ ha khin nin mhan zẹ ọle obọ.

BHA HA GHE ỌNE IVIDIO FO, BHA WANNIẸN ENE INỌNTA NAN:

• Emhin bela azagba-uwa ọsi Williams zẹ ọle obọ nin ele rẹ sabọ dọ ga bhi Ecuador?

• Bebhọ emhin nin ele ria ẹmhọnlẹn ele kuẹ zẹ eje ele ho nin ele diọ?

• Elele bela ele miẹn bhọ?

• Eje uwẹ ha da miẹn emhin ebhebhe nan gbẹn rẹji itẹmhọn Osẹnobulua bhi eje abha sẹ da manman tale?

BHI ẸDẸ OGA AZAGBA-UWA NỌNSẸBHA NỌN VADE, BHA ZILO NYAN ENE INỌNTA NAN:

• Be azagba-uwa mhan arẹ sabọ lu gbera beji mhan ka lu khẹ bhi iwẹnna itẹmhọn Osẹnobulua? (km 8/⁠11 4-6)

• Ahamiẹn imhan bha sabọ diọ bhi ẹbho ọbhebhe dọ ga, bebhọ mhan ha sabọ lu nin mhan rẹ rẹkpa agbotu nin mhan ye? (w16.03 23-25)