Noo Inọnta Nọnsẹn

Matthew 16:​13-16

EBI UWẸ HA LU: Re ẹwanlẹn noo inọnta bhi uwedẹ nọn ha rẹ ha yẹẹ eria rẹ ha ka uwẹ ehọ. Ha nọọn inọnta nọn ha rẹkpa ene uwẹ ne talọ rẹ zilo nyan ebi uwẹ ta, bi inọnta nọn ha re ene ọta kpataki ne ribhi ebi uwẹ ta dagbare.

EBI A RẸ LU ỌLE YẸ:

• Re ọle ha yẹẹ ẹbho rẹ ha ka uwẹ eho. Noo inọnta bhi uwedẹ nọn ha rẹ re ene ka uwẹ ehọ ria eria dinmhin, inọnta nọn ha yẹ re ele ha guanọ nin ele lẹn ba emhin nin ele ka lẹn khẹ.

• Zilo nyan ọne uhọnmhọn-ọta. Rẹkpa ene uwẹ ne talọ rẹ ria eria rẹkhan ebi uwẹ ta, beji uwẹ ha rẹ ha nọọn ele ọta nọn ha dia ele sẹbhi eji ele ha da tobele daghe ẹfua nọn ribhọ.

• Re otọ ọta kpataki ne ribhọ man nọnsẹn. Ahamiẹn uwẹ ho nin uwẹ re ọta kpataki man, noo inọnta rẹ munhẹn, nọn ha re eria ha mhọn ọtibhọ rẹ ka uwe ehọ. Ahamiẹn uwẹ talọ nyan ọta kpataki fo, la, uwẹ guanọ nin uwẹ kpẹn ọta nọnsẹ, noo inọnta rẹ ku ọle kugbe.