ILUẸMHIN 4

Ebi Uwẹ Ha Lu Sade Uwẹ Khian Tie IBaibo

Matthew 22:41-45

EBI UWẸ HA LU: Uwẹ kuẹ tie iBaibo, ka mun ọkhọle ọsi ene uwẹ ne talọ egbe khẹ eji uwẹ ho nin uwẹ tie.

Ria eria nyan ebezẹle nin uwẹ da guanọ nin uwẹ tie ọne iBaibo. Sounun bhi eji uwẹ ho nin uwẹ tie bhi Baibo bhi uwedẹ nin ene uwẹ ne talọ ha rẹ daghe iman-emhin nin uwẹ ho nin uwẹ re dagbare bhi ọne iBaibo.

Lẹn emhin nan gbẹn nẹga eji uwẹ ho nin uwẹ tie bhi ẹkẹ Baibo. Ahamiẹn uwẹ sounun bhi elin ọria nọn ta ebi uwẹ ho nin uwẹ tie bhi ẹkẹ iBaibo, la elin ọria nọn gbẹn iBaibo nin uwẹ ho nin uwẹ tie, ji ọ wo ha yi ọne uwẹ yọle ọ khin tee.
Ha noo iBaibo rẹ man emhin ẹghe rebhe. Ahamiẹn eria ne rẹọ bhi Osẹnobulua uwẹ ne talọ, denọ ele ẹlo diọ bhi Baibo. Bhiriọ, uwẹ ki rẹman ghe, ebi Osẹnobulua gene ta, ọle uwẹ man.
Re eji uwẹ ho nin uwẹ tie bhi Baibo ha ti ẹbho bhọ. Re inọnta nin ọne iBaibo ha wanniẹn ọbhi otọ, zẹ ọnoghọ egbe dagbare nin ọne iBaibo ha sabọ re otọle man nọnsẹn, la adia nin ọne iBaibo ha sabọ rẹkpa ele lẹn nọnsẹn.

Ria eria nyan ebi eria nin uwẹ da ne talọ ka lẹn khẹ bhi ọne uhọnmhọn-ọta bi ọne iBaibo nin uwẹ da tie. Ọ ha rẹ ha yi emhin nin ene bunbun manman lẹn khẹ, yẹ so ọle unun bhi uwedẹ nọn ha rẹ ha ti ene uwẹ ne talọ bhọ. Rẹkpa ene uwẹ ne talọ rẹ re ẹlo ọgbọn ghe eji uwẹ tiele bhi Baibo.