What Can the Bible Teach Us?—Ebarẹ Noo Ọne Ebe Yẹ

Emhin nọn ribhi ebe nantiọle Teach Us, ọle yẹ ribhi ọnan tiọle Bible Teach. Uwedẹ ọkpa ayẹ rẹ mhanmhan uhọnmhọn-ọta ne ribhọ. Ọkpakinọn, ikpọta ne lẹkhẹ bi uwedẹ nin emhin rẹ kẹ mun ẹlo kore arẹ gbẹn ebi ribhi ebe nantiọle Teach Us. Eria nin Bible Teach bha lẹkhẹ nan, ele a gbọnlẹn nan. Eji eba tiọle appendix ye bhi Bible Teach, ọle eba tiọle endnotes ye bhi Teach Us. Ene endnotes, ele gbe otọ ẹmhọn eso fanọan nan tẹmhọnlẹn bhi uhọnmhọn-ọta kẹkẹ. Ene inọnta ne ribhi uhọnmhọn-ọta kẹkẹ bhi Bible Teach bi ẹkpẹti inọnta nanrẹ kpẹn ọlen, ele iribhi Teach Us. Eba tiọle summary, ọle arẹ kpẹn uhọnmhọn-ọta kẹkẹ. Enan ada kikie tẹmhọn uhọnmhọn emhin kpataki nan luẹ bhọ. Bii Bible Teach, asabọ re ọne ebe nan nin ọria ẹghe nọn irẹ akhin, arẹmiẹn ọi yi ọle a muegbe ne nin ẹbho bhi ọne uki nin. Be imhan arẹ sabọ noo summary bi endnotes ne ribhi ọne ebe nan yẹ sade mhan man ọria iBaibo?

SUMMARY (EMHIN KPATAKI NAN LUẸLE): Ẹbho ne bunbun dẹ sabọ re ọne ebe nan luẹ emhin bhi uwedẹ nin mhan ka rẹ man ẹbho iBaibo khẹ, nin mhan rẹ tie uduọle kẹkẹ nọọn inọnta ne ribhi Bible Teach. Sokpan, ahamiẹn ọne ọria iguẹnrẹ manman tie ebe, la ọbha manman guẹ urolo nin mhan rẹ manlẹn emhin, mhan sabọ noo Teach Us. Bhiriọ, mhan sabọ noo ọne summary ọkpa rẹ man lẹn emhin. Mhan sabọ yẹ taman ọne ọria nọn tobọle tie ene uduọle kẹkẹ ne ribhi ọne uhọnmhọn-ọta. Asabọ noo ebe sẹbhi ihuẹnlo 15 rẹ zilo nyan obọ ọkpa bhi ọne summary. Ranmhude abha gbotọ ene ẹmhọn fanọan bhi summary, ọkhẹke nin ọnọn man ọria emhin muegbe ọbhi otọ nọnsẹn. Beji ọle rẹ muegbe ọne iluẹmhin, ọkhẹke nin ọle ha mhọn ẹmhọn ene ọle man ele emhin bhi ọkhọle. Ahamiẹn bha tie uduọle kẹkẹ yẹ nọọn inọnta ne ribhọ, ọne summary bha rẹ kie re unun nanbhi ebi bha luẹle.

ENDNOTES (EBA GBẸN BA ỌLE): Ene emhin nan tẹmhọnlẹn bhi endnotes, ọsegbe ọsegbe nanrẹ gbẹn ele dagbare bhi ene uhọnmhọn-ọta kẹkẹ arẹ tẹmhọn ele. Ọnọn man ọria emhin sabo zilo nyan endnotes ne ribhi Teach Us sade ọle man ọria emhin.