He Bhọ Lu Iho Nọnsi Jehova Ẹlẹnan?​—Ebarẹ Noo Ọle Yẹ

A lu ọne brokiọ natiọle He Bhọ Lu Iho Nọnsi Jehova Ẹlẹnan? nin mhan re ọle ha man ẹbho nin mhan man ele iBaibo emhin akuẹ mun iluẹmhin hẹn la a ki re ọle sotọ.a Iluẹmhin 1 rẹsẹbhi 4 dẹ rẹkpa eria nin mhan man ele iBaibo rẹ lẹn unan eria nin mhan khin, iluẹmhin 5 rẹsẹbhi 14 dẹ rẹkpa ele lẹn ẹmhọn iwẹnna nọnsẹmhan, sẹyẹ iluẹmhin 15 rẹsẹbhi 28 dẹ rẹkpa ele lẹn ẹmhọn agbotu nọnsẹmhan. A ha luẹ ene uhọnmhọn-ọta ọsegbe ọsegbe mhẹn nẹ. Sokpan, ahamiẹn emhin ribhi ẹkẹ ọle nin mhan ho nin mhan man ọria le ẹjẹje, mhan sabọ rẹ diọ bhi enin dọ man ọne ọria le. Mhan sabọ re ebe sẹbhi ihuẹnlo isẹn rẹsẹbhi igbe rẹ deba ọria luẹ iluẹmhin ọkpa bhi ọne ebe nan, ranmhude ene iluẹmhin bha tan gbe.

• 

  Ka tie ọne uhọnmhọn-ọta ọsi ọne iluẹmhin

• Bha tie eba gbẹn bhi ọne iluẹmhin. Bha sabọ re osukpa tie ọrebhe sotọ la bha tie ọle uduọle-uduọle

• Bha ko zilo nyan ebi bha tiele. Nọọn inọnta ne ribhi otọ ọne apapale. Bha yẹ zilo nyan ene ifoto ne ribhọ. Uwẹ da toboẹ zẹ ene ibha ha tie yẹ zilo nyan bhi iBaibo ne ribhi ọne iluẹmhin. Ji ọnọn luẹ iBaibo lẹn ghe ene uri-ọta ne bhili nẹ, ele re ewanniẹn ọbhi inọnta nọn ribhi ọne uhọnmhọn-ọta

• Sade ẹkpẹti natiọle “Guanọ otọ ọle” ribhọ, bha ko tie ọle. Uwẹ ha yẹ taman ọne uwẹ man ọle iBaibo nin ọle dọnmhegbe nọn rẹ re obọ rẹkhan ebi bha tie bhọ