Lu Re Alo!

1. Bha ji mhan lu realo bh’oga nọns’Osẹ.

Bha ji mhan zegbere rẹ miẹnsọn nan mun nin mhan.

Bha ji mhan dọnmhegbe rẹ wo ha luọle;

Osẹ dẹ r’ahu nin mhan.

Mhan rebhe dẹ sabọ mi’ọn’ẹsọn

Bej’Ebeanlẹn mhan rẹ taman mhan.

Mhan ha mun ’du rebhe nyan Osẹ n’Aba,

Ọle dẹ gbẹloghe mhan.

2. Bha ji mhan lu realo bh’oga nọns’Osẹ.

Bha ji mhan tẹmhọn ’lẹn na bh’otọ agbọn rebhe,

N’ẹbho bhi ’je rebhe sabọ hẹnmhọn ’lẹn

Yẹ deba mhan gẹn ọlẹn.

Arẹmiẹn eghian mhan kpokpo mhan,

Mhan dẹ sẹyẹ j’ẹbho rebhe họn,

Ghe, Agbejele nọns’Osẹ sire fo;

Mhan dẹ mi’ọn’ẹsọn sotọ.

3. Bha ji mhan lu realo bh’oga nọns’Osẹ.

Ẹsọn nọn bun ribhọ

nin mhan ha miẹn n’Osẹ mhan;

Bha ji mhan manman gu’eb’a rẹ luọle yẹ,

Nin mhan sabọ luọ nọnsẹn.

Oyẹẹ dẹ rẹ mhan ha guan’ẹbho,

Yẹ fikie buele ha ma’ele ’mhin,

Yẹ r’iyobọ n’ele rẹ ha lu realo,

Ne dọ deba mhan g’Osẹ.