Ha Rẹhunmhan

1. Oyẹẹ ri Jehova

J’ukpọmọn ’kpa nọnsọle,

N’ọle vae, nọn dọ yu nin mhan,

N’ọle yu bh’olukhọ mhan.

Ranmhud’aranlẹn si Jesu,

Mhan dẹ sabọ mi’aribhọ.

Jehova dẹ rẹhunmhan mhan,

Si mhan gene fidenọ.

2. Osẹ dẹ tohan mhan

Sade mhan r’itohan man.

Sade mhan rẹhunmhin ’bhio mhan,

Sade mhan gbekua n’ele.

Mhan ha r’ẹmhọn sibh’ọkhọ re,

Mhan ha re ’gbe khọkh’Osẹ,

Mhan ha r’ob’esi mu’ibhio mhan,

Iriọ mhan rẹ r’oyẹẹ man.

3. Itohan bi’fuẹkẹ,

Enan h’ikpẹ ne khẹke,

Nin mhan da sabọ rẹhunmhan

Ibhio mhan ne rahiẹ mhan.

Bha ji mhan luẹ bh’ob’Aba mhan;

Bha ji mhan ha r’oyẹẹ man;

Bha ji mhan ha mhọn itohan,

Bej’Osẹ rẹ tohan mhan.