HOSIA
1 Ẹme Jihova nọ o bru Hosia* ọmọzae Bierae ze evaọ oke Uzayah,+ Jotam,+ Ehaz,+ gbe Hẹzikaya,+ ivie Juda,+ gbe evaọ oke Jeroboam+ ọmọzae Joash,+ ovie Izrẹl. 2 Okenọ Jihova o mu ẹme riẹ họ ẹta ẹkwoma Hosia, Jihova ọ ta kẹ Hosia nọ: “Nya, rehọ aye igberẹ-ibro* nọ o ti yẹ emọ no igberẹ-ibro* ze kẹ owhẹ, keme ahwo ẹkwotọ na a nyasiọ Jihova ba+ no riẹriẹriẹ fiki igberẹ-ibro* rai.”
3 Fikiere ọ tẹ nya ọ tẹ rehọ Goma ọmọtẹ Diblem, o te dihọ o te yẹ ọmọzae kẹe.
4 Kẹsena Jihova ọ tẹ ta kẹe nọ: “Se odẹ riẹ Jezrẹl,* keme omojọ u kiọkọ me ti gu uwou Jehu+ ẹdhọ fiki azẹ-okpe Jezrẹl, yọ mẹ te rehọ esuo uvie uwou Izrẹl+ te oba. 5 Evaọ ẹdẹ yena me ti wiri uze Izrẹl evaọ Ukiekpotọ* Jezrẹl.”
6 Ọ tẹ wariẹ dihọ, o te yẹ ọmọtẹ. Ọghẹnẹ ọ tẹ ta kẹ Hosia nọ: “Se odẹ riẹ Lo-ruhema,* fikinọ mẹ te gbẹ re ohrọ+ uwou Izrẹl he, keme me ti gine le ai vrẹ.+ 7 Rekọ mẹ te re ohrọ uwou Juda,+ yọ mẹ Jihova Ọghẹnẹ rai+ me ti siwi ai; orọnikọ ẹkwoma uze hayo ọgbọdọ hayo ẹmo hayo enyenya hayo edhẹ-enyenya+ me ti ro siwi ai hi.”
8 Nọ o bru Lo-ruhema evie no, o te dihọ o te yẹ ọmọzae. 9 Kẹsena Ọghẹnẹ ọ tẹ ta kẹ Hosia nọ: “Se odẹ riẹ Lo-amae,* keme whai yọ ahwo mẹ hẹ yọ mẹ te jọ Ọghẹnẹ rai hi.
10 “Yọ unu ahwo* Izrẹl o te wọhọ uwẹkpẹ abade nọ a rẹ sae wawọ hayo kele he.+ Yọ evaọ oria nọ a jọ ta kẹ ae nọ, ‘Whai yọ ahwo mẹ hẹ,’+ a te ta kẹ ae nọ, ‘Nọ emọ* Ọghẹnẹ nọ ọ rrọ uzuazọ na.’+ 11 Yọ a ti koko ahwo Juda gbe ahwo Izrẹl họ a vẹ te jọ okugbe,+ a te salọ osu ọvo kẹ omarai, a ve ti no ẹkwotọ na no, keme ẹdẹ Jezrẹl+ ọ te jọ ẹdẹ ologbo.
2 “Ta kẹ inievo-emezae ra nọ, ‘Ahwo mẹ!’*+
Gbe inievo-emetẹ ra nọ, ‘O aye nọ a re ohrọ!’*+
2 Ta eyoma oni ra kẹe; ta eyoma riẹ kẹe,
Keme aye mẹ ọ rrọ họ,+ yọ mẹ ọzae riẹ hẹ.
Jọ ọ siọ igberẹ-ibro* riẹ ba
Je si ẹnwae-obro riẹ no udevie ivie riẹ,
3 O gbẹ rrọ ere he, mẹ te bae fihọ je ru ei fihọ epanọ ọ jọ evaọ ẹdẹ nọ a ro yẹi,
Me ti ru ei jọ wọhọ udhude,
Me ti ru ei fihọ otọ oyaya,
Mẹ vẹ rọ uruame kpei whu.
5 Keme oni rai o bru igberẹ.*+
Ọnọ o dieva rai họ o ru oware omovuọ,+ keme ọ ta nọ,
‘Mẹ te dhẹ lele ese mẹ,+
Enọ e be kẹ omẹ ebrẹdi mẹ gbe ame mẹ,
Ehọ iwhulu mẹ gbe ehọ-elọlọhọ mẹ, ewhri mẹ gbe udi mẹ.’
6 Fikiere mẹ te rehọ idhigbo di edhere ra;
Yọ mẹ te ma ugbẹhẹ itho ro bru ei dhe,
Re ọ gbẹ sae ruẹ idhere riẹ hẹ.
Kẹsena ọ vẹ te ta nọ, ‘Me re zihe bru ọzae ọsosuọ mẹ,+
Keme akpọ mẹ o woma oke oyena vi epanọ o rrọ enẹna.’+
8 O vuhumu hu inọ mẹ họ ọnọ ọ kẹ riẹ iwhiti,+ enwaene ọkpokpọ, gbe ewhri na,
Gbe nọ mẹ họ ọnọ ọ kẹ riẹ isiliva buobu
Gbe igoru, nọ a ro ru egagọ Bale.+
9 ‘Fikiere, me ti zihe re me mi ei iwhiti mẹ nọ oke u te te
Gbe enwaene ọkpokpọ mẹ evaọ ezi riẹ,+
Yọ mẹ te tabọ mi ei ohọ iwhulu mẹ gbe ohọ-olọlọhọ mẹ nọ mẹ kẹ riẹ inọ o ro ruru ẹba riẹ.
10 Obọnana mẹ te bae fihọ gbala gbala evaọ iraro ese riẹ,
Yọ ohwo ọvo ọ te sai siwi ei no obọ mẹ hẹ.+
11 Mẹ te rehọ eware kpobi nọ e be wha oghọghọ sei te oba,
Ehaa riẹ sa-sa,+ ehaa ọvẹre ọkpokpọ riẹ, edijala riẹ, gbe ehaa ezi sa-sa riẹ.
12 Yọ mẹ te raha ire evaene gbe ire ifigi riẹ, enọ ọ ta kpahe nọ:
“Enana họ osa nọ ese mẹ a hwa omẹ”;
Me ti zihe ai ruọ owhawho,
Yọ erao ijihẹ obọ ẹwọ e te re ae no.
13 Mẹ te rehọ iẹe guẹdhọ fiki edẹ nọ o ro dhe idhe kẹ emema Bale,+
Nọ ọ jẹ hae rehọ emero gbe eware osẹ riẹ whẹ erru họ oma o ve mu ese riẹ họ ẹdhẹ lele,
Mẹ họ ọnọ ọ thọrọ e riẹ ẹro,’+ ere Jihova ọ ta.
15 Me ti zihe egbọ evaene riẹ kẹe no umuo oke yena vrẹ,+
Gbe Ukiekpotọ* Ekọ+ wọhọ unuẹthẹ ẹruore;
Ọ te jọ etẹe yo kẹ omẹ wọhọ epaọ oke uzoge riẹ,
Wọhọ epaọ ẹdẹ nọ o ro no ẹkwotọ Ijipti ze.’+
18 Evaọ ẹdẹ yena mẹ te rehọ fiki rai re ọvọ kugbe erao ijihẹ obọ ẹwọ,+
Je kugbe evra obọ ehru* gbe eware kpobi nọ i bi si* evaọ otọ;+
Me ti si uze gbe ọgbọdọ gbe ẹmo no ẹkwotọ na,+
19 Mẹ te sa owhẹ họ otọ re whọ jọ ọmẹ bẹdẹ bẹdẹ;
Mẹ te sa owhẹ họ otọ evaọ ẹrẹreokie gbe uvioziẹ,
Evaọ uyoyou nọ o rẹ hiẹ hẹ gbe evaọ ohrọ.+
20 Mẹ te sa owhẹ họ otọ, mẹ te nyasiọ owhẹ ba ha,
Whọ vẹ te ginẹ riẹ Jihova.’+
21 ‘Evaọ ẹdẹ yena me ti yo,’ ere Jihova ọ ta,
‘Me ti yo kẹ idhiwu na,
I ve ti yo kẹ otọakpọ na;+
22 Otọakpọ na u ti yo kẹ iwhiti, enwaene ọkpokpọ, gbe ewhri na;
A vẹ te ta nọ: “Whẹ họ Ọghẹnẹ mẹ.”’”+
3 Kẹsena Jihova ọ tẹ ta kẹ omẹ nọ: “Wariẹ nya, re who you aye nọ ọ dhẹ lele ọzae ọfa je bi bruẹnwae+ na, nwane wọhọ epanọ Jihova o you ahwo Izrẹl+ nọ a nyase iẹe ba nyae gọ eghẹnẹ efa+ je you ikeki resin.”*
2 Fikiere mẹ tẹ rọ ewẹ isiliva ikpegbisoi gbe owawọ homa* ọvo gbe ubro orọ ebali dẹ aye na kẹ omamẹ. 3 Kẹsena mẹ tẹ ta kẹe nọ: “Whọ te jọ ọmẹ edẹ buobu. Who re bru igberẹ* vievie he, yọ who re lele ọzae ọfa wezẹ vievie he, yọ ere me ti ru kẹ owhẹ re.”*
4 Keme evaọ oke krẹkri* ahwo Izrẹl a te jọ ababọ ovie, ababọ osu,*+ ababọ idheidhe, ababọ upila, gbe ababọ ẹfọd*+ gbe emema tẹrafim.*+ 5 Kẹsena ahwo Izrẹl a ve ti zihe ze te gwọlọ Jihova Ọghẹnẹ rai+ gbe Devidi ovie rai,+ a vẹ te nyabru Jihova ze keme a te dhozọ riẹ jẹ gwọlọ wo erere no ewoma riẹ ze evaọ edẹ urere na.+
4 O whai ahwo Izrẹl, wha yo ẹme nọ Jihova ọ ta,
Keme Jihova o wo ẹdhọ kugbe ahwo nọ a be rria ẹkwotọ na,+
Keme uzẹme hayo uyoyou nọ o rẹ hiẹ hẹ hayo eriariẹ Ọghẹnẹ e rrọ ẹkwotọ na ha.+
2 Iyei iduwu eviẹhọ gbe erue+ gbe ikpakpe+
Gbe uji-utho gbe ẹnwae-obro+ e da otọ fia,
Yọ a bi no azẹ-okpe ruọ azẹ-okpe.+
3 Fikiere ẹkwotọ na o ti weri+
Yọ ohwo kpobi nọ ọ be rria eva riẹ ọ te whọlọ kuotọ;
Erao ijihẹ obọ ẹwọ gbe evra obọ ehru,*
Makọ iyei nọ e rrọ obọ abade, i ti whu.
4 “Rekọ, jọ ohwo ọvo o lele ai si ikẹ hayo whọku ai hi,+
Keme ahwo ra a wọhọ enọ i re lele ozerẹ si ikẹ.+
5 Fikiere who ti zoruẹ evaọ uvo kekeke,
Yọ ọruẹaro na o ti lele owhẹ zoruẹ, wọhọ ẹsenọ o rrọ aso.
Me ti ruru unu* oni ra.
6 A ti ruru unu* ahwo mẹ, keme a wo eriariẹ hẹ.
Fikinọ whọ siọ eriariẹ,+
Mẹ te siọ owhẹ re, whọ te gbẹ jọ ozerẹ mẹ hẹ;
Yọ fikinọ uzi* Ọghẹnẹ ra o thọrọ owhẹ ẹro no,+
Emezae ra e te thọrọ omẹ omamẹ ẹro re.
7 Epanọ a bi bu te, ere a be raha izi mẹ bu te.+
Me ti zihe oruaro rai ruọ omovuọ.*
8 A be rọ ẹkwoma uzioraha ahwo mẹ kuọ oma rai,
A be gwọlọ nọ ahwo mẹ a raha izi.
9 Epọvo na o te jọ kẹ ahwo na gbe ozerẹ na;
Mẹ te rehọ ai guẹdhọ fiki oghẹrẹ nọ a bi ru,
Yọ mẹ te kẹ ae uye fiki iruẹru rai.+
10 A te re emu rekọ eva e te vọ ae he.+
12 Ahwo mẹ a be nọ emedhọ ire rai onọ a re ru,
A bi ru onọ ọkpọ* rai ọ ta kẹ ae;
Keme ẹzi igberẹ-ibro o bi su ai thọ,
Yọ igberẹ-ibro* rai u ru nọ a gbe bi ro yoẹme kẹ Ọghẹnẹ rai hi.
13 A bi dhe idhe evaọ ehru igbehru na,+
A bi ru idheidhe kuye iwiri evaọ ikpehru na,
A rrọ otọ ire ok gbe ire storas gbe ure ulogbo kpobi,+
Keme edhedhẹ rai ọ rrọ ziezi.
Oyejabọ nọ emetẹ rai a bi ro bru igberẹ*
Yọ eyae emọ rai a bi bruẹnwae.
14 Mẹ te rọ emetẹ rai guẹdhọ fiki igberẹ-ibro* rai hi,
Yọ mẹ te rọ eyae emọ rai guẹdhọ fiki ẹnwae-obro rai hi.
Keme ezae na a bi lele igberẹ na
Je bi lele igberẹ etẹmpol na dhe idhe;
Ahwo otiọye nọ a wo otoriẹ hẹ+ na a ti kpohọ ọraha.
Who du nyaziọ Gilgal+ he hayo ziọ Bẹt-avẹn+ he,
Yọ who duwu iyei hi inọ, ‘Nọ Jihova ọ rrọ uzuazọ na!’+
16 Keme wọhọ eruẹ* nọ o bi veghe uzou, ere Izrẹl o bi veghe uzou.+
Kọ Jihova ọ te rẹrote ai wọhọ ọmọ egbo nọ ọ rrọ oria uvevẹ nọ erao e rẹ jọ re ẹbe?*
17 Ifremu o kuomagbe emedhọ no.+
Vu ei wa!
Yọ isu* riẹ a you omovuọ gaga.+
19 Ofou na ọ te rọ ibekpe riẹ wọe* vrẹ,
Yọ idhe rai e te vuọ ae oma.”
Gaviezọ, O uwou Izrẹl,
Gaviezọ, O uwou ovie,
Keme ẹdhoguo na o te owhẹ;
Keme whẹ yọ agbefẹ kẹ Mizpa
Gbe ẹta nọ a kpahe fihọ Tebọ.+
3 Mẹ riẹ Ifremu,
Yọ Izrẹl o dhere omẹ hẹ.
4 Eware nọ a bi ru e be whae ze nọ a gbẹ be sai ro zihe bru Ọghẹnẹ rai ze he,
Keme ẹzi igberẹ-ibro* ọ rrọ udevie rai;+
Yọ a be daezọ Jihova ha.
5 Omorro Izrẹl u se isẹri kpei no;*+
Izrẹl avọ Ifremu a zoruẹ no evaọ oruthọ rai,
Yọ Juda o lele i rai zoruẹ.+
6 A wha uthuru erao rai gbe owa erao rai lele oma nyae gwọlọ Jihova,
Rekọ a ruẹ e riẹ hẹ.
O siomano ai no.+
Whaọ a te raha ae gbe ekwakwa* rai no evaọ amara ọvo.
8 Kporo onware+ evaọ Gibiah, kporo ọgba evaọ Rema!+
Bo ubo ẹmo evaọ Bẹt-avẹn,+ ma rọ kpahe owhẹ, O Bẹnjamin!
9 O Ifremu, who ti zihe ruọ oware idudu evaọ ẹdẹ nọ mẹ te kẹ owhẹ uye.+
Mẹ ta oware nọ o te ginẹ jọ udevie erua Izrẹl via no.
10 Ikpahwo-esuo Juda a wọhọ ahwo nọ a bi fowo uwhru.+
Mẹ te kpare ofu mẹ ku ae wọhọ ame.
11 A nyẹ Ifremu nyaotọ, a whọlọ e riẹ evaọ ẹdhoguo,
Keme ọ gba riẹ mu no nọ o re lele ọwegrẹ riẹ.+
12 Fikiere mẹ tẹ wọhọ amara kẹ Ifremu
Jẹ wọhọ egbogbo kẹ uwou Juda.
13 Nọ Ifremu ọ ruẹ ẹyao riẹ, nọ Juda ọ ruẹ ola riẹ,
Ifremu o te kpobọ Asiria+ je vi ahwo se ovie ologbo.
Rekọ ọ sai siwi owhẹ hẹ,
Yọ ọ sai siwi ola ra ha.
14 Keme mẹ te wọhọ okpohrokpo ọgragra kẹ Ifremu,
Jẹ wọhọ okpohrokpo ọgaga* kẹ uwou Juda.
15 Mẹ te nyavrẹ je zihe kpohọ oria mẹ bẹsenọ a rẹ ruẹ uye abe-ọriọ rai no,
Nọ a tẹ rrọ uye, a te gwọlọ omẹ.”+
Ọ nwa omai oma, rekọ ọ te gba emela mai.
2 O ti ru omai dhidhi aro vi nọ edẹ ivẹ e tẹ vrẹ no.
Evaọ ẹdẹ avọ esa ọ te kpare omai,
Ma vẹ te jọ uzuazọ evaọ aro riẹ.
3 Ma te riẹ, ma te rọ ọwhọ gwọlọ Jihova re ma riẹe.
Ẹnyavia riẹ o muẹro wọhọ epaọ oke nọ o rẹ ke;
Ọ te nyabru omai ze wọhọ oso nọ ọ be rrọ,
Wọhọ iso obọ ekuhọ okiewhru nọ e rẹ daruọ otọ na.”
4 “Eme me re gbe ru kẹ owhẹ, Ifremu?
Eme me re gbe ru kẹ owhẹ, Juda?
Keme uyoyou ra* o wọhọ ẹgho ohiohiẹ,
Wọhọ igrigri nọ i re kri ẹhiẹ hẹ.
Yọ oziẹ nọ me ti brukpe owhai o te jọ vevẹ wọhọ elo.+
6 Keme uyoyou nọ o rẹ hiẹ hẹ* oye o rẹ were omẹ, orọnikọ idheidhe he,
Gbe eriariẹ Ọghẹnẹ, viukpọ idhe emahọ.+
7 Rekọ wọhọ ohwo-akpọ gheghe, a raha ọvọ na.+
A rọ eviẹhọ yerikugbe omẹ evaọ etẹe.
9 Izerẹ na a wọhọ itu igbulegbu nọ i dhere be hẹrẹ ohwo.
A rẹ jọ edhere kpe ahwo evaọ Shẹkẹm,+
Keme uruemu nọ o rẹ vuoma a wo.
10 Mẹ ruẹ oware otọtọ evaọ uwou Izrẹl.
11 Ofariẹ, O Juda, a fi oke nọ a ti ro vu owhẹ họ no,
Okenọ me ti ro koko ahwo mẹ nọ a mu kpohọ igbo họ zihe ze.”+
2 Rekọ a be jọ udu rai ta kẹ omarai hi inọ mẹ te kareghẹhọ imuomu rai kpobi.+
Enẹna iruthọ rai e wariẹ e rai họ no;
E rrọ aro mẹ.
3 A be rọ umuomu rai ru ovie na ghọghọ,
Jẹ rọ eviẹhọ rai ru ikpahwo-esuo* ghọghọ.
4 Aikpobi ibruẹnwae,
A be rrorro wọhọ ovini nọ ohwo nọ o bi there ebrẹdi o koko erae họ,
Ọnọ ọ rẹ nyasiọ erae na ba efou nọ ọ tẹ ma ukulu na no bẹsenọ ukulu na u re fu no.
Ọ rriẹ obọ riẹ kẹ isẹkoko.
6 Keme a be nyaze avọ udu nọ o be ware wọhọ ovini.*
Aso okioke ohwo nọ o bi there ebrẹdi na ọ rẹ wezẹ;
Evaọ ohiohiẹ yọ ovini na ọ be ware nwenwenwe wọhọ ebruerae.
7 Aikpobi a be rrorro wọhọ ovini,
A bi kpe isu* rai.
8 Ifremu o bi kuomagbe erẹwho na.+
Ifremu ọ wọhọ ikeki nọ a vre kurẹriẹ hẹ.
9 Erara e rehọ ẹgba riẹ no,+ rekọ ọ riẹ hẹ.
Yọ eto riẹ e fo no, rekọ o bi muẹrohọ iẹe he.
10 Omorro Izrẹl u se isẹri kpei no,+
Rekọ a ri zihe bru Jihova Ọghẹnẹ rai hi,+
Yọ a re gwọlọ iẹe he ghelọ enana kpobi.
11 Ifremu ọ wọhọ erueruẹ ogheghẹ, nọ ọ kare areghẹ.*+
A bo bru Ijipti no;+ a kpobọ Asiria no.+
12 Oria kpobi nọ a nya, mẹ te rriẹ ẹriri mẹ ruru ai.
Me ti si ai ziọ otọ wọhọ evra obọ ehru.*
Mẹ te kẹ ae uye wọhọ epaọ unuovẹvẹ nọ a kẹ ogbotu rai.+
13 Uye u te ai, keme a dhẹ siọ omẹ ba!
Ọraha o te ai, keme a raha izi mẹ!
Mẹ ruẹrẹ oma kpahe vẹre re mẹ ta ai no igbo, rekọ a gu erue kpahe omẹ.+
14 A bo se omẹ no udu rai ze kẹ obufihọ họ,+
Dede nọ a je kuenu oviẹ evaọ ehwa rai.
A be gbẹre omarai fiki ibi ekakọ gbe enwaene ọkpokpọ rai;
A kuomarẹriẹ be rọsuọ omẹ.
15 Dede nọ mẹ kẹ rai uye je ru obọ rai ga,
A be wọso omẹ, be gba ẹgwae omuomu.
16 A nwene edhere rai, orọnikọ kpohọ oware uwoma ovo ho;*
A rẹ sai fievahọ ae he, a wọhọ uze nọ o rrọ deghe deghe.+
A te rọ ọgbọdọ kpe ikpahwo-esuo* rai fiki ẹrọo rai nọ ọ be ta eme orivo.
Fiki onana a te rehọ ae se ẹkoko evaọ ẹkwotọ Ijipti.”+
8 “Fi onware họ unu ra+ nọ who ti kporo!
2 A bi bo se omẹ nọ, ‘Ọghẹnẹ mẹ, mai Izrẹl, ma riẹ owhẹ!’+
3 Izrẹl ọ siọ oware uwoma no.+
Jọ ọwegrẹ o lei.
4 A rọ ivie mu, rekọ mẹ họ ọnọ o vi rai hi.
A rọ ikpahwo-esuo* mu, rekọ mẹ jẹ rai rehọ họ.
5 Mẹ siọ ọmọ-eruẹ ra, O Sameria.+
Eva rai e be dha omẹ gaga.+
Ẹvẹ u re kri te re a tẹ te kare abe-ọriọ?*
6 Obọ Izrẹl onana u no ze.
Ọwena o ru rie, onana yọ Ọghẹnẹ hẹ;
A ti kporo ọmọ-eruẹ Sameria ehehẹhẹ.
Okakọ ovo o te mọ ubi nọ o te ware he;*+
Okakọ kpobi nọ o dhẹ ze, a te sae jariẹ ruẹ ibi nọ a re wuhu hu.
Ojọ o tẹ mọ dede, ahwo erẹwho efa* a te lọe no.+
8 A te lọ Izrẹl no.+
Obọnana a te jọ udevie erẹwho na,+
Wọhọ okwakwa nọ a gwọlọ họ.
9 Keme a kpobọ Asiria no,+ wọhọ eketekete ẹwọ nọ ọye ọvo ọ rrọ.
Ifremu ọ hwa igho ro mu ese.+
10 Dede nọ a rọ igho rọ rehọ ese na no erẹwho na ze,
Obọnana me ti ko ai họ;
A ve ti mu uye họ ẹruẹ+ fiki owha nọ ovie gbe ikpahwo-esuo a te wọ họ ae uzou.
11 Keme Ifremu ọ rọ egbada-idhe buobu vi no re ọ ruẹse raha uzi.+
I zihe ruọ egbada-idhe riẹ nọ ọ be jọ raha uzi no.+
13 A bi dhe idhe kẹ omẹ, yọ a be re erao idhe na,
Rekọ Jihova ọ jẹ rai rehọ họ.+
Obọnana ọ te kareghẹhọ oruthọ rai jẹ kẹ ae uye fiki izieraha rai.+
Rekọ me ti vi erae ruọ ikpewho riẹ,
Yọ e te mahe iwou ikpehru rai ọvuọvo.”+
9 “Whọ ghọghọ họ, O Izrẹl,+
Whọ ghọghọ wọhọ ahwo na ha.
Keme whọ rọ ẹkwoma igberẹ-ibro* nyasiọ Ọghẹnẹ ra ba no.+
Who you osohwa ọnọ o re bru igberẹ evaọ oria nọ a rẹ jọ si ibi no igbe ekakọ.+
2 Rekọ a te jọ oria nọ a rẹ jọ si ibi no igbe ekakọ na gbe oria udi-uruo na ruẹ emu rọ kuọ oma ha,
Ọ te ruẹ enwaene ọkpokpọ gbe he.+
3 A te gbẹ rria ẹkwotọ Jihova ha;+
Ukpoye Ifremu o ti zihe kpobọ Ijipti,
Yọ a te jọ obọ Asiria re emu nọ ọ fo ho.+
E wọhọ ebrẹdi uweri;
Enọ e be re iẹe kpobi a ti gbe omarai ku.
Keme ebrẹdi rai e rrọ kẹ ae* ọvo;
E te ziọ uwou Jihova ha.
5 Eme who ti ru evaọ ẹdẹ okokohọ,*
Evaọ ẹdẹ ehaa Jihova?
6 Keme rri! a te dhẹ fiki ọraha.+
Ijipti o ti koko ai họ,+ yọ Mẹmfis o ti ki ai.+
Ebe osokpọ i ti ruru ekwakwa eghaghae isiliva rai,
Ire inwe e te jọ evaọ iwou-udhu rai.
7 Edẹ nọ a te rọ rehọ ae guẹdhọ fiki eware nọ a ru e te tha,+
Edẹ nọ a te rọ hwosa kẹ ae e te tha,
Yọ Izrẹl ọ te riẹ.
Ọruẹaro rai ọ te jọ gheghẹ, yọ ohwo nọ ọ be ta nọ ẹzi Ọghẹnẹ ọ be rọ ta ẹme ọ te mọ oruẹ;
Fikinọ oruthọ ra ọ re ruaro, ofu* nọ ọ rọsuọ owhẹ ọ re ruaro.”
8 Ororoke+ Ifremu ọ jọ kugbe Ọghẹnẹ mẹ.+
9 A raha thabọ no, wọhọ epaọ edẹ Gibiah.+
Ọ te kareghẹhọ oruthọ rai jẹ kẹ ae uye fiki izieraha rai.+
10 “Mẹ ruẹ Izrẹl wọhọ ibi-ire evaọ udhude.+
Mẹ ruẹ esẹ-esẹ rai wọhọ ibi ifigi ọsosuọ evaọ ure ifigi.
Rekọ a nyabru Bale ọrọ Piọ;+
A rọ omarai kẹ oware* omovuọ na,+
A te zihe ruọ oware otọtọ wọhọ oware nọ a you na.
11 Oruaro Ifremu o be ra vrẹ wọhọ ọvra;
Ohwo ọvo o bi yẹ hẹ, ọvuọvo o bi dihọ họ, a be kẹ ọvuọvo eva ha.+
12 A tẹ maki yẹ emọ dede,
Me ti kpe ai no bẹsenọ ohwo ọvo o re kiọkọ họ;+
Ẹhẹ, uye u ti te ai okenọ mẹ te nyase ae ba!+
13 Ifremu nọ a kọ fihọ otọ nọ erao e rẹ jọ re ẹbe ọ jọ wọhọ Taya kẹ omẹ;+
Obọnana Ifremu ọ rẹ rehọ emezae riẹ ziọ oria nọ a re jo kpe ai hrọ.”
14 O Jihova, kẹ ae oware nọ u fo nọ whọ rẹ kẹ ae;
Edhede nọ ọ rẹ sai kru ọmọ họ gbe ivie nọ e ya fia.*
15 “Imuomu rai kpobi e jọ obọ Gilgal,+ etẹe me jo mukpahe ae.
Me ti le ai no uwou mẹ fiki iruẹru imuomu rai.+
16 A ti ko Ifremu fihọ otọ.+
Owọ rai u ti whu no, yọ a te mọ ubi hi.
A tẹ maki yẹ, me ti kpe emọ rai nọ e were rai gaga na no.”
10 “Izrẹl yọ ure evaene nọ o be raha no* nọ o be mọ ibi.+
Epanọ ọ be mọ ibi bu te, ere ọ be bọ egbada-idhe bu te;+
Epanọ otọ riẹ u wo ẹvi te, ere o bi ru ipila ọrẹri riẹ woma te.+
Ọjọ ọ riẹ nọ o ti kporo egbada-idhe rai jẹ raha ipila rai.
3 Enẹna a te ta nọ, ‘Ma wo ovie he,+ keme ma wo ozodhẹ kẹ Jihova ha.
Kọ eme ovie ọ rẹ sai ru kẹ omai?’
4 A be ta eme ifofe, bi duwu iyei ọrue,+ jẹ be re evọ;
Fikiere oziẹobro nọ ọ be romavia ọ wọhọ ẹbe enua evaọ udevie ikuele ithethei nọ e rrọ udhu.+
5 Ozọ u ti mu ahwo nọ a be rria Sameria kẹ ẹmẹdhọ ọmọ-eruẹ Bẹt-avẹn.+
Ahwo riẹ a ti weri fiki riẹ,
Ere ọvona o te jọ kẹ izerẹ ọghẹnẹ orẹwho ọfa riẹ nọ e jẹ ghọghọ fiki riẹ gbe oruaro riẹ,
Keme o ti no etẹe kpohọ igbo.
6 A te rehọ iẹe ziọ Asiria wọhọ okẹ rọkẹ ovie ologbo.+
A ti kpomovuọ họ Ifremu oma,
Yọ oma o te vuọ Izrẹl fiki ohrẹ nọ o lele.+
8 A te raha+ eria ikpehru Bẹt-avẹn,+ onọ o rrọ uzioraha Izrẹl.+
Idhigbo gbe enwẹnwẹ i ti di fihọ egbada-idhe rai.+
Ahwo a te ta kẹ igbehru na nọ, ‘Wha ruru omai!’
Jẹ ta kẹ ikpehru na nọ, ‘Wha kie ruru omai!’+
9 No anwọ oke Gibiah ze whọ be rọ raha uzi,+ O Izrẹl.
A jọ etẹe dada awọ mu otọ.
Ẹmo o fi emọ umuomu kparobọ* evaọ Gibiah ha.
10 Mẹ te jẹ kẹ ae uye okenọ o were omẹ.
Yọ ahwo a ti kokohọ wọso ae,
Okenọ a te gba iruthọ ivẹ rai họ ae.*
11 Ifremu ọ jọ eruẹ nọ a wuhrẹ ziezi nọ o rẹ were re ọ tehe ibi no igbe,
Fikiere me te ru nọ oware ovo u gbe te uriohọ uwoma riẹ hẹ.
Enẹna me ti ru re ohwo jọ ọ ruọ ehru Ifremu dhẹ.*+
Juda o ti kporo udhu na; Jekọp ọ te vravra ẹkpẹ na kẹe.
12 Wha kọ ibi ẹrẹreokie kẹ omarai re wha vu uyoyou nọ o rẹ hiẹ hẹ.
Wha kporo otọ nọ u re wou ekakọ kẹ omarai+
Nọ oke o gbẹ riẹ nọ a rẹ rọ gwọlọ Jihova na,+
Bẹsenọ ọ rẹ nyaze re o wuhrẹ owhai ẹrẹreokie.+
13 Rekọ wha kọ umuomu no,
Yọ wha vu eyoma no,+
Wha re ibi eviẹhọ no;
Keme wha fievahọ idhere obọrai,
Egbaẹmo ibuobu rai.
14 A te wọ ozighi bru ahwo rai ze,
A te raha ikpewho rai kpobi nọ wha di ogba wariẹ họ* no,+
Wọhọ epanọ Shalman ọ raha uwou Abẹl,
Evaọ ẹdẹ ẹmo nọ a jọ gbẹre iniemọ ekekẹ kugbe emọ rai.
15 Enẹ a ti ru owhẹ, O Bẹtẹl,+ fiki umuomu ogaga ra.
Nọ oke o tẹ ke no, a ti kpe* ovie Izrẹl hrọ.”+
4 Mẹ jẹ rọ ifi ohwo-akpọ* si ai te oma, avọ ifi uyoyou;+
Yọ mẹ jọ wọhọ ohwo nọ o bi go owhowha no otọ agba rai,
Mẹ tẹ rọ ẹmẹrera wọ emu kẹ ae omomọvo.
7 Ahwo mẹ a gba riẹ mu nọ a rẹ ghẹmeeyo kẹ omẹ.+
Dede nọ a se rai nọ a nyaziọ onọ o mai kpehru,* ọvuọvo ọ nyaze he.
8 Ẹvẹ mẹ sai ro siobọno owhẹ, O Ifremu?+
Ẹvẹ mẹ sai ro siobọno owhẹ kẹ ae, O Izrẹl?
Ẹvẹ me re ro ru owhẹ wọhọ Adma?
Ẹvẹ me re ro ru owhẹ wọhọ Zeboyim?+
9 Me ti mu ofu ọgaga mẹ hẹ.
Mẹ te gbẹ wariẹ raha Ifremu hu,+
Keme mẹ yọ Ọghẹnẹ orọnikọ ohwo-akpọ họ,
Ọrẹri na nọ ọ rrọ udevie rai;
Yọ mẹ te rọ ofu wọ bru owhẹ ze he.
10 A ti lele Jihova nya, yọ o ti do enu wọhọ okpohrokpo;+
Nọ o te do enu, emezae riẹ i ti no obọ ukiediwo-ọre ze avọ iguegue.+
11 A ti nuhu wọhọ ọvra okenọ a ti no Ijipti ze,
Wọhọ erueruẹ okenọ a ti no obọ ẹkwotọ Asiria ze;+
Me ve ti fi ai họ iwou rai,” ere Jihova ọ ta.+
12 “Ifremu ọ rehọ erue wariẹ omẹ họ,
Uwou Izrẹl kọ eviẹhọ.+
12 “Ifremu ọ be rọ ofou kuọ oma.
O bi le ofou obọ ovatha-ọre okikpo.
Ẹsikpobi o bi gu ọrue je ru ozighi.
A be re ọvọ kugbe Asiria+ jẹ be rehọ ewhri kpobọ Ijipti.+
2 Jihova o wo ẹdhọ kugbe Juda;+
O ti gu Jekọp ẹdhọ fiki eware nọ o ru,
Ọ te hwosa kẹe wọhọ epaọ iruo riẹ.+
4 Ọ ruabọhọ lele ukọ-odhiwu muabọ jẹ kparobọ.
Ọ viẹ jẹ lẹe nọ ọ ghale iẹe.”+
6 “Fikiere zihe bru Ọghẹnẹ ra,+
Ruabọhọ uyoyou nọ o rẹ hiẹ hẹ gbe uvioziẹ,+
Je fi ẹruore họ Ọghẹnẹ ra ẹsikpobi.
Yọ a te jọ iruo egaga mẹ kpobi ruẹ oruthọ hayo uzioraha ovo ho.’
9 Rekọ mẹ họ Jihova Ọghẹnẹ ra no obọ ẹkwotọ Ijipti ze.+
Mẹ te wariẹ ru owhẹ rria iwou-udhu
Wọhọ epaọ edẹ erọ oke nọ a fihọ.*
10 Mẹ ta ẹme kẹ eruẹaro na,+
Me ru rai ruẹ eruẹaruẹ buobu,
Yọ mẹ rọ ẹkwoma eruẹaro na rọ etadhesẹ ta ẹme.
11 Eviẹhọ*+ gbe erue e da Giliad oma fia.
A rọ iruẹ dhe idhe evaọ Gilgal,+
Yọ egbada-idhe rai e wọhọ itho nọ a kwa kokohọ udevie ikuele ithethei nọ e rrọ udhu.+
12 Jekọp ọ dhẹ kpobọ ẹkwotọ* Eram;*+
Izrẹl+ ọ jọ etẹe gbodibo fiki aye,+
Yọ ọ rehọ fiki aye su igodẹ.+
14 Ifremu o ru eva dha omẹ gaga;+
Abe-ọriọ riẹ ọ gbẹ rrọ uzou riẹ;
Olori riẹ ọ te hwosa kẹe fiki ekela nọ ọ wha sei.”+
13 “Nọ Ifremu ọ tẹ ta ẹme, ahwo a jẹ hai nuhu;
Ọ jọ ọnọ a riẹ gaga evaọ Izrẹl.+
Rekọ ọ tẹ te reabe fiki Bale,+ o te whu.
2 Obọnana a bi fiba uzioraha rai
A be rọ isiliva rai ma emema;*+
A be rọ onaa ma emedhọ, oghoghẹrẹ onaa ọwena kpobi.
A be ta kẹ ae nọ, ‘Jọ ezae nọ i bi dhe idhe a viọlọ emema emọ-iruẹ na.’+
3 Fikiere a te jọ wọhọ ẹgho ohiohiẹ,
Wọhọ igrigri nọ i re kri ẹhiẹ hẹ,
Wọhọ ehọrọ nọ ofou ọwhibo o fou no oria nọ a rẹ jọ si ibi no igbe ekakọ,
Jẹ wọhọ iwiri nọ i bi kuye no eghogho ehru uwou ze.
4 Rekọ mẹ họ Jihova Ọghẹnẹ ra no obọ ẹkwotọ Ijipti ze;+
Whọ riẹ Ọghẹnẹ ọvo vẹre he u te no omẹ no,
Yọ u te no omẹ no osiwi ọfa ọ rrọ họ.+
5 Mẹ riẹ owhẹ evaọ udhude,+ evaọ otọ nọ oso ọ jẹ rrọ fihọ họ.
6 A re eva vọ evaọ etọ ẹbe ọrọrọ rai,+
A re eva vọ, omorro o tẹ ruọ udu rai.
Fikiere mẹ tẹ thọrọ ae ẹro.+
7 Mẹ te jọ wọhọ okpohrokpo ọgragra rọkẹ ae,+
Wọhọ okeke nọ o dhere akotọ edhere.
8 Mẹ te họrọ mu ai wọhọ adaka nọ ọ gwọlọ emọ riẹ bẹ no,
Mẹ te za udu rai rovie fihọ.
Mẹ te jọ etẹe re ae no wọhọ okpohrokpo;
Arao ojihẹ obọ ẹwọ ọ te za ae ekekẹ.
9 Ọ te raha owhẹ, O Izrẹl,
Keme whọ wọso omẹ, ọnọ o bi fiobọhọ kẹ owhẹ.
12 A fare* oruthọ Ifremu họ oware;
A rawo uzioraha riẹ fihọ oria.
13 Edada eyẹ i ti tei oma.
Rekọ ọmọ nọ o wo areghẹ hẹ ọ rrọ;
Ọ rọ oma lahwe he nọ okenọ a re ro yẹe u te.
Obi ra ọ rrọ, O Uwhu?+
Ogaga ọraha ra o rrọ, O Uki?+
A te ko ọdawẹ dhere no ibiaro mẹ.
15 O tẹ make rọnọ o bi vihọ evaọ udevie ikpoko na,
Ofou ovatha-ọre ọ te tha, ofou Jihova,
O ti no obọ udhude ze, re o ru oza riẹ gbe ẹtẹre-ame riẹ kpọ no.
Ọ te kwa eware eghaghae riẹ kpobi nọ e rrọ oria ekwakwa-aghae riẹ no.+
16 A ti brukpe Sameria,+ keme ọ wọso Ọghẹnẹ riẹ.+
14 “O Izrẹl, zihe bru Jihova Ọghẹnẹ ra ze,+
Keme who zoruẹ no fiki oruthọ ra.
2 Zihe bru Jihova ze, re whọ ta eme nana kẹe,
Ta kẹe nọ, ‘Rehọ oruthọ mai vrẹ omai+ re whọ rehọ oware uwoma mi omai,
Ma vẹ te rọ igbenu mai dhe idhe ujiro kẹ owhẹ+ wọhọ epanọ ma rẹ rọ emọ iruẹ ru na.*
3 Asiria o ti siwi omai hi.+
Ma te dhẹ enyenya ha,+
Yọ ma te gbẹ ta kẹ eware nọ ma rọ abọ mai ru inọ “O Ọghẹnẹ mai!” hi,
Keme whẹ họ ọnọ ọ rẹ re ohrọ ọmọ nọ o wo ọsẹ hẹ.’+
4 Me ti siwi ai no uzioraha rai.+
5 Mẹ te jọ wọhọ igrigri kẹ Izrẹl;
Ọ te whẹ erru họ wọhọ ododo
Ọ te ta awọ ruọ otọ kokodo wọhọ ire Lebanọn.
6 Ọ te za egha,
Erru riẹ ọ te wọhọ orọ ure olivi,
Yọ ore awere riẹ o te wọhọ orọ Lebanọn.
7 A te wariẹ rria otọ edhedhẹ riẹ.
A te mọ ibi jẹ whẹ ivo họ wọhọ ure evaene.+
A te riẹe odẹ* wọhọ epaọ enwaene Lebanọn.
8 Ifremu ọ te ta nọ, ‘Eme me gbe wo kugbe emedhọ?’+
Me ti yo kẹe jẹ sẹro riẹ.+
Mẹ te jọ wọhọ ure junipa nọ o rrọ bọbọbọ.
Ubi ra u ti no obọ mẹ ze.”
9 Ono o wo areghẹ? Jọ ọ riẹ otọ eware nana.
Ono o wo orimuo? Jọ ọ riẹ ae.
Ubro odẹ na Hoshaya, onọ otofa riẹ o rrọ “Ọnọ Jah O Siwi; Jah O Siwi No.”
Hayo “aye nọ o ti gbe-ọfariẹ.”
Hayo “ọfariẹ-ogbe.”
Hayo “ọfariẹ-ogbe.”
Otofa riẹ họ “Ọghẹnẹ Ọ te Kọ Ubi.”
Hayo “Ukiekpotọ Opraprara.”
Otofa riẹ họ “A Re Ohrọ Riẹ Hẹ.”
Otofa riẹ họ “Ahwo Mẹ Hẹ.”
Hayo “emezae .”
Evaọ Hibru, “emezae.”
Rri eme-obotọ Ho 1:9.
Rri eme-obotọ Ho 1:6.
Hayo “ọfariẹ-ogbe.”
Evaọ Hibru, “emezae.”
Hayo “ọfariẹ-ogbe.”
Hayo “duomahọ ọfariẹ-ogbe.”
Hayo “Ukiekpotọ Opraprara.”
Hayo “Bale mẹ.”
Hayo “idhiwu.”
Onana u kugbe enọ e rẹ katiẹ.
Hayo “rria.”
Otofa riẹ họ “Ọghẹnẹ Ọ te Kọ Ubi.”
Rri eme-obotọ Ho 1:6.
Rri eme-obotọ Ho 1:9.
Koyehọ, ikeki nọ a rẹ rọ gọ edhọ.
Ilita 220 (200 dry qt) e rẹ vọ homa. Rri Ẹme-Ofiba B14.
Hayo “Who re gbe-ọfariẹ.”
Hayo “me ti lele owhẹ wezẹ hẹ.”
Evaọ Hibru, “edẹ buobu.”
Evaọ Hibru, “ọmọzae-ovie.”
Rri oria Otofa Eme.
Hayo “edhọ uviuwou; emedhọ.” Rri oria Otofa Eme.
Hayo “idhiwu.”
Hayo “Mẹ te raha.”
Hayo “A te raha.”
Hayo “uthubro.”
Hayo o sae jọ nọ, “A rehọ omovuọ nwene oruaro mẹ no.”
Hayo “duomahọ ọfariẹ-ogbe ọgaga.”
Hayo “Ọfariẹ-ogbe.”
Evaọ Hibru, “I re mi ohwo udu no.”
Hayo “ọkpọ ọgbẹva.”
Hayo “ọfariẹ-ogbe.”
Hayo “gbe-ọfariẹ.”
Hayo “ọfariẹ-ogbe.”
Hayo “gbe-ọfariẹ.”
Hayo “eruẹ aye.”
Evaọ Hibru, “oria nọ u whrowhro oma?”
Hayo “ebiẹ iwhiti.”
Hayo “duomahọ ọfariẹ-ogbe ọgaga.”
Evaọ Hibru, “ejese.”
Hayo “hwere iei.”
Hayo “Enọ i bi kie vrẹ.”
Hayo “mẹ te whọku aikpobi.”
Hayo “duomahọ ọfariẹ-ogbe.”
Hayo “ọfariẹ-ogbe.”
Evaọ Hibru, “fihọ ovao riẹ.”
Evaọ Hibru, “emezae.”
Hayo “etọ.”
Hayo “okpohrokpo nọ ọ rrọ whẹvu.”
Evaọ Hibru, “ovao.”
Hayo “uyoyou ra nọ o rẹ hiẹ hẹ.”
Hayo “ohrọ-oriọ.”
Hayo “emezae-ivie.”
Hayo “emezae-ivie.”
Hayo o sae jọ nọ, “Udu rai o wọhọ enyerae nọ a be nyaze avọ ẹghẹ na.”
Evaọ Hibru, “ibruoziẹ.”
Evaọ Hibru, “ubiudu.”
Hayo “idhiwu.”
Koyehọ, orọnikọ a ru egagọ rai woma ha.
Hayo “emezae-ivie.”
Hayo “emezae-ivie.”
Hayo “a te ti ru omarai fo?”
Hayo “u ti dikihẹ hẹ.”
Hayo “erara.”
Hayo “uthubro.”
Hayo o sae jọ nọ, “A ti zihe kpobọ Ijipti.”
Hayo “e rẹ bẹ ẹvẹruọ.”
Hayo “ọfariẹ-ogbe.”
Evaọ Hibru, “nifẹsh rai.” Rri oria Otofa Eme.
Hayo “ẹdẹ ehaa ra nọ who fihọ.”
Hayo “egrẹ.”
Hayo “Egrẹ.”
Hayo “ọghẹnẹ.”
Hayo “dhẹgo.”
Hayo “Emezae-ivie.”
Hayo o sae jọ nọ, “nọ o be gbọ.”
Hayo “udu nọ o be whra; udu nọ o rrọ rioriorio.”
Evaọ Hibru, “A ti ruru unu.”
Hayo “ọ raha emọ umuomu muotọ.”
Koyehọ, okenọ a te rọ ruẹ uye eyoma rai wọhọ ẹsenọ a wọ owhowha.
Hayo “o kie ufi họ Ifremu.”
Hayo “e rẹ bẹ ẹvẹruọ.”
Evaọ Hibru, “ruru unu.”
Koyehọ, eruẹaro gbe amọfa nọ a vi bru ahwo Izrẹl re a wuhrẹ ai.
Hayo “ifi uwowou,” wọhọ erọ ọyewọ.
Koyehọ, egagọ efuafo.
Evaọ Hibru, “ọ rrorro no.”
Hayo “Juda ọ gbẹ be nya lele Ọghẹnẹ.”
Hayo “odẹ riẹ nọ a rẹ rọ kareghẹhọ iẹe.”
Hayo “ọgba-ọhreki na.”
Hayo o sae jọ nọ, “ẹdẹ ehaa.”
Hayo “Emajiki; Iruẹru ebi.”
Evaọ Hibru, “ẹwọ.”
Hayo “Siria.”
Hayo “ghra eware ro ru emema.”
Evaọ Hibru, “ibruoziẹ.”
Evaọ Hibru, “emezae-ivie.”
Hayo “rawo.”
Hayo “Sheol.” Rri oria Otofa Eme.
Evaọ Hibru, “rọ iruẹ esese igbenu mai ro dhe idhe zihe kẹ owhẹ.”
Evaọ Hibru, “A te hae kareghẹhọ iẹe.”